11-րդ DevFest Armenia-ն կանցկացվի հոկտեմբերի 20-ին
Հոկտեմբերի 20-ին DevFest Armenia 2024 տեխնոլոգիական կոնֆերանսը տեղի կունենա WOODS Center-ում գտնվող Արդի Ակադեմիայում (Ardy Academy)։
Արդեն 11-րդ անգամ անցկացվող DevFest-ն այս տարի կառանձնանա մեքենայական ուսուցում եւ արհեստական բանականություն, Google Cloud Platform, Android, հաճախորդների հետ հաղորդակցման, ներդրումների ներգրավման, ՏՏ կրթության եւ կարիերայի աճի, ինչպես նաեւ նախագծերի կառավարման թեմաներով։
Դրանք կներկայացնեն ինչպես տեղացի, այնպես էլ արտասահմանից հրավիրված մասնագետներ: Զուգահեռ կանցկացվեն նաեւ պանելային քննարկումներ ՏՏ տենդենցների, մասնագիտական աճի եւ կրթական համակարգերի վերաբերյալ։
Միջոցառմանը հրավիրված է տեղացի եւ արտերկրից ժամանած 20-25 խոսնակ եւ պանելիստ։ Կոնֆերանսը նախատեսված է ինչպես սկսնակ, այնպես էլ հմուտ ծրագրավորողների, վեբ, մոբայլ եւ թվային տեխնոլոգիաների ոլորտի մասնագետների եւ ուսանողների համար։
Մասնակցությունն անվճար է, գրանցվել հնարավոր է այստեղ։
Devfest միջոցառումներն ամբողջ աշխարհում խրախուսում եւ մասնակի հովանավորում է Google ընկերությունը։ Այն ամենամյա տեխնոլոգիական կոնֆերանս է, որն ամեն տարի անցկացվում է ամբողջ աշխարհի Google Developer Group (GDG) համայնքների կողմից՝ ներգրավելով Google-ի տեխնոլոգիաներով հետաքրքրված հազարավոր մասնակիցների։
DevFest Armenia 2024 միջոցառման գլխավոր գործընկերներն են Epam, Quantori, Ameriabank ընկերությունները։ Հայաստանում DevFest կոնֆերանսները կազմակերպվում է GDG (Google Developer Group) Yerevan համայնքի կողմից՝ սկսած 2012 թվականից։