Այս տարին աննախադեպ էր Հայաստան-Եվրամիություն գործընկերության օրակարգն առաջ մղելու տեսանկյունից. ԱԳ փոխնախարար
p bԵՐԵՎԱՆ, 5 նոյեմբերի./ԱՌԿԱ/. /bԱյս տարին աննախադեպ էր Հայաստան-Եվրամիություն գործընկերության օրակարգն առաջ մղելու տեսանկյունից: Այդ մասին 2025 թվականի պետբյուջեի նախագծի քննարկման ժամանակ ասաց ԱԳ նախարարի տեղակալ Պարույր Հովհաննիսյանը։/pp Նրա խոսքով բազմաթիվ ձեռքբերումներ են եղել՝ սկսած հատուկ ոլորտներից, ինչպիսին արդարադատությունն է, նաև վավերացվեց Հայաստան-Եվրոպոլ, Հայաստան-Եվրաջասթ կառույցների հետ պայմանագրերը:/pp «Հուլիսին երկու կարևոր որոշումներ ընդունվեցին արտոնագրերի ազատականացման մեկնարկելու, նաև եվրոպական խաղաղության գործիքի միջոցով Հայաստանին աջակցություն տրամադրելու վերաբերյալ: Ավարտին ենք հասնում նաև Հայաստան-Եվրամիություն գործընկերության նոր օրակարգի նախագիծը»,-նշեց նա։/pp Հովհաննիսյանը հայտնեց, որ այդ բոլոր քայլերը կունենան իրենց ազդեցությունը 2025 թվականին նախաձեռնվող աշխատանքների առումով:/pp «Արդեն իսկ սկսել ենք բանակցություններն արտոնագրերի ազատականացման շուրջ։ Այս օրերին՝ 5-6-ը, Երևանում է Եվրամիության պատվիրակությունը, որպեսզի մշակենք համապատասխան բանակցությունների ծրագիրը»,- ասաց նա:/p