Հայաստանի գիտության եւ տեխնոլոգիաների հիմնադրամը (FAST) Փարիզի նշանավոր Ֆրանսիայի ավտոմոբիլային ակումբում հյուրընկալել է Եվրոպայում իր առաջին «Advance Armenia» գալան։
Գալան Հայաստանում արհեստական բանականության (ԱԲ) ոլորտի կրթության զարգացման նպատակի շուրջ էր միավորել հայկական սփյուռքի, եվրոպական լայն համայնքի եւ տեխնոլոգիական ոլորտի 200 անվանի ներկայացուցչի։
Միջոցառման առանցքում FAST-ի «ԱԲ սերունդ» դպրոցական ծրագիրն էր՝ նախաձեռնություն, որն իրականացվելով ՀՀ ԿԳՄՍ նախարարության հետ համատեղ՝ այժմ հասանելի է ՀՀ 7 մարզի 15 ավագ դպրոցում՝ ներգրավվելով 540 աշակերտի եւ 61 դասավանդողի։ Եռամյա ուսումնառության ընթացքում ծրագիրը հնարավորություն է տալիս սովորողներին ուսումնասիրելու խորացված հանրահաշիվ, Python, մեքենայական եւ խորը ուսուցում՝ նպատակ ունենալով կերտել ապագա նորարարների եւ դիրքավորել Հայաստանը որպես ԱԲ-ի ոլորտում առաջատար երկիր:
Այս առաքելությանն են միացել բազմաթիվ աջակիցներ եւ ներկաներ, որոնց առատաձեռնությունը թույլ կտա ապահովելու ծրագրում ներգրավված աշակերտներից 82-ի ուսումնական ողջ ուղին։
Գալային՝ Հայաստանի երկարամյա բարեկամ երկու համանախագահողների՝ Գաբրիել Գոտեի եւ Վալերի Սաֆարյանի գլխավորությամբ, ներկա են եղել 200 անվանի հյուր, այդ թվում՝ Եվրոպական խորհրդարանի պատգամավոր Ֆրանսուա Քսավյե Բելամին, Ֆրանսիայի Աշխատանքի եւ զբաղվածության հարցերով նախարար Աստրիդ Փանոսյան-Բուվեն, Ֆրանսիայում Հայաստանի դեսպան Հասմիկ Տոլմաջյանը, Հայաստանում Ֆրանսիայի դեսպան Օլիվիե Դըկոտինյին, ՅՈՒՆԵՍԿՕ-ում ՀՀ մշտական ներկայացուցիչ Արամ Հակոբյանը եւ Picsart-ի հիմնադիր տնօրեն Հովհաննես Ավոյանը։
Որպես հիմնական խոսնակներ ներկաներին իրենց ուղերձն են հղել Alan-ի համահիմնադիր նախագահ եւ Mistral AI-ի համահիմնադիր եւ խորհրդի անդամ Ժան-Շառլ Սամուելյան-Վերվը, McKinsey & Company-ի Հյուսիսային Ասիայի գծով պատվավոր նախագահ, Flagship Pioneering-ի Ասիա-խաղաղօվկիանոսյան տարածաշրջանի նախագահ եւ ռազմավարական խորհրդատու Անդրե Անդոնյանը եւ Flagship Pioneering-ի հիմնադիր տնօրեն, Moderna-ի համահիմնադիր եւ տնօրենների խորհրդի նախագահ դոկտոր Նուբար Աֆեյանը։
«Վերջերս Վաղարշապատում առիթ էի ունեցել հանդիպելու «ԱԲ սերունդ»-ի աշակերտներին, որոնց մեջ ես նույնքան ունակություն եւ ներուժ եմ տեսնում, որքան ՄՏԻ-ի եւ Հարվարդի ուսանողների։ Մենք՝ հայերս գիտենք՝ ինչպես հանպատրաստից գործել, գիտենք երեւակայել եւ հարթել մեր ուղին՝ պաշտպանելով մեր գոյությունը։ Եկեք օգտագործենք այդ երեւակայությունը, գտնենք ԱԲ-ի նոր ու անսպասելի կիրառումներ եւ ստեղծենք ընկերություններ եւ արտադրանք, որ կփոխակերպեն մեր հավաքական ապագան», նշել է FAST-ի համահիմնադիր դոկտոր Նուբար Աֆեյանը։
«Մեր նպատակը պարզապես տեխնոլոգիական ոլորտի համար երիտասարդ մասնագետներ պատրաստելը չէ, այլ իբրեւ առաջնորդներ ու ստեղծարարներ նրանց կայացմանն աջակցելը։ Նման տաղանդների հսկայական պահանջ կա, եւ Հայաստանը հնարավորություն ունի իր ներդրումը բերելու համաշխարհային արժեքային շղթայում»,- նշել է FAST-ի գործադիր տնօրեն Սյուզաննա Շամախյանը։
Начальник Главного управления Росгвардии по Московской области полковник полиции Пётр Зоров обратился к ветеранам региональной общественной организации войск правопорядка
Собянин подвел итоги летней навигации на Москве-реке
Начальник Главного управления Росгвардии по Московской области полковник полиции Пётр Зоров обратился к ветеранам региональной общественной организации войск правопорядка
Роскосмос показал кадры бушующего в Москве и Подмосковье шторма со спутника
"Роскосмос" показал, как из космоса выглядит обрушившийся на Москву шторм
Заместитель управляющего Отделением Фонда пенсионного и социального страхования Российской Федерации по г. Москве и Московской области Алексей Путин: «Клиентоцентричность - наш приоритет»
Сергей Собянин провел личный прием граждан по поручению Президента
Заявление о мобилизации сделали в Кремле
Собянин по поручению Путина провел личный прием граждан
