Илдар Хәкимов сәхнәдә таеп егылган
Җырчы Илдар Хәкимов Уфадагы концертларында уңайсыз хәлгә калган – нәкъ сәхнәнең уртасында таеп егылган.
Гүзәл белән Илдарның концертына бер тамашачылары үзенчәлекле бүләк – йомшак башмаклар алып килгән. Туфли-ботинкалардан ничәмә-ничә сәгать басып торган Илдар белән Гүзәл бу башмакларны аякларына шунда ук киеп тә куйганнар. Алай гына да түгел, алдагы дуэтларын да башмактан гына башкарып чыкмакчы булганнар. Әмма көтелмәгән хәл килеп чыккан: Илдар таеп егылган. Ярый әле инде күп еллар сәхнәдә булган артист югалып калмыйча, бу күңелсез хәлне шаяруга борып җибәргән. Җырлап бетергәч бөтенләй, бала-чага кебек, сәхнәдә шуып йөри башлаган.
Әле ярый имгәнмәгән, Ходай саклаган, дияргә каламы инде?