Азат Фазлыевтан күңелгә тиярлек җыр: «Кирәкмидер җирдә миңа синсез тормыш»
Азат Фазлыев социаль челтәрдәге сәхифәсендә «Кирәк түгел» җырының премьерасын тәкъдим итте.
Яңа җырның авторлары – Айгөл Вәлиуллина һәм Раил Өметбаев.
«Синең янда гына йөрәк җиңел сулый,
Күңел оча, яшәү көчең шулай ыргый.
Кочагыма алам – шундый тыныч,
Кирәкмидер җирдә миңа синсез тормыш.
Кирәк түгел кышның карлы бураннары,
Синсез миңа тугайлары урманнары.
Син булганга гына рәхәт тормыш җиңел,
Синсез миңа минуты да кирәк түгел...»
«Кирәк түгел» җыры халык күңелен яуларга да өлгергән, комментарийлар шул хакта:
«Искиткеч мәгънәле, моңлы җыр, күңелем тулды. Азат, афәрин!»;
«Азат, яңа җырын белән үзәкне өзәсең»;
«И матур җыр, тавышың супер»;
«Күңелгә үтеп керә, бик яхшы җыр»;
«Иҗатыгызны яратабыз, җырларыгызны тыңлап ял итәбез! Иҗади уңышлар сезгә, гаилә бәхете, ныклы сәламәтлек, исәнлек-саулык телибез».