Рузилә Хәйретдинова шартлау турында: «Барысын да күреп, ишетеп тордык»
Җырчы Рузилә Хәйретдинова бүген шартлау булган торак комплексыннан ерак түгел яши икән. Ул кызы белән бу куркыныч хәлләрне күреп, күзәтеп торган.
Үзләре өчен борчылып торучыларга ул сторисларында җавап бирде.
«Хәерле көннәр. Күпләрегез «сезнең белән барысы да яхшымы?» дип сорап яза. Рәхмәт барыгызга да.
Бу хәлләр янәшәдә генә булды. Барысын да күреп, ишетеп тордык.
Нәрсә язарга да белмим. Бер көн белән генә яшибез. Кыйммәтләр дә башка булырга тиеш. Үзегезне һәм якыннарыгызны саклагыз, күбрәк яхшылыклра кылырга тырышыгыз. Безнең белән иртәгә нәрсә буласын беркем дә белми», – дигән ул.