«Бөтен фатирда канлы кул эзләре». Ир-ат хатынын чәнчегән дә нәни кызын кыйнап үтергән

12 гыйнварда Түбән Новгород өлкәсендә коточкыч фаҗига була. 35 яшьлек ир-ат хатынын чәнчеп үтерә, аннары 1,5 яшьлек кызын үтергәнче кыйный. Шуннан соң бу ир-ат үз-үзенә кул салмакчы була. Хәзер ул хастаханәдә, якын арада аңа гаепләү белдереләчәк. Бу турыда Тикшерү комитетына сылтама белән «Комсомольская правда» хәбәр итте.

Тикшерү версиясе буенча, Балахна шәһәрендә җинаятьтә шикләнелүче ир-ат хатынына күп тапкыр пычак кадый, 1,5 яшьлек кызының башына тупас әйбер белән берничә тапкыр суга. Бала урында ук үлә. Хатынны хастаханәгә китерәләр, ул шунда вафат була. Ир-ат үзенә берничә яра ясый. Хәзер ул хастаханәдә.

Фатирда төшерелгән видеодан күренгәнчә, ир-ат өйдә мәхшәр ясый – җиһазлар әйләнеп капланган, бөтен фатирда кан таплары, канлы кул эзләре.

Ир-атны 20 елга кадәр ирегеннән мәхрүм итүләре ихтимал, диелә хәбәрдә.