Руслан Кираметдинов әнисен сәхнәгә чыгарган

Руслан Кираметдиновның Чаллыдагы концертында сәхнәгә аның иң якын кешесе – әнисе дә күтәрелгән. Аны сәхнәгә: «Шундый ул үстергәннәре өчен Русланның әти-әнисенә рәхмәт әйтик әле», – дип, җырчыга чәчәк бирергә менгән туганнан туган сеңлесе чакырып чыгара. Руслан әнисен залдан үзе төшеп ала, сәхнәгә кадәр җитәкләп алып менә.

Рамилә апа Русланны хөрмәт итеп, иҗатын яратып килгәннәре өчен, Чаллы халкына рәхмәтләрен җиткерә.

«Интертат»ка әңгәмәдә дә Рамилә апа халыкның Русланны күтәргәне өчен бик сөенүен белдергән иде.

«Халык моңга сусаган, күрәсең, хәзер. Тамашачы яратып йөри, заллары тулы, Аллаһка шөкер. Үзе дә шат кәеф белән, очынып кайтып керә.

Ул элек: «Әни, бу җырны җырласам ничек булыр икән?» – дип, җырларын гел миңа тыңлата иде. Хәзер дә киңәшләремне биреп торам. «Улым, бу җырыңны җырласаң әйбәт бит инде, монысын болайрак ит», – дим. Сүзләремә колак сала», – дип сөйләде ул.

Бу хакта тулырак:

• Артист әниләре: «Балаларыбызның тормышлары өчен сөенеп яшибез»