«Պիդառասներ, պիդառասներ». նոր լրատվականացված հակաահաբեկչական ակտ ՌԴ-ում
Կադրում արյունոտ դիեր են՝ ընկած մեկուսարանի բակում, շինարարական աղբի կողքին։ Սպանվածներից երկուսը ձեռնաշղթաներով են։
The post «Պիդառասներ, պիդառասներ». նոր լրատվականացված հակաահաբեկչական ակտ ՌԴ-ում first appeared on Epress.am.Դոնի Ռոստովի №1 քննչական մեկուսարանի 6 կալանավորները երեկ առավոտյան պատանդ էին վերցրել բանտի վարչակազմի ներկայացուցիչներին։ Նախնական տվյալներով, պատանդառուները անցնում էին ահաբեկչական հոդվածներով, կարող էին փոխկապակցված լինել Իսլամական պետություն տեռորիստական խմբավորման հետ։
Տելեգրամ-ալիքներում անհայտ ծագման տեսանյութեր էին հրամապարկվում՝ դանակներով և ինքնաշեն շեղբերով զինված տղամարդիկ տեսաուղերձ են հղում, խոսեցնում են պատանդներին, Իսլամական պետության դրոշն են ցուցադրում, գրեթե բոլորի գլխին բանդանաներ են արաբական հյուսագրերով։ Պահանջում են զենք, ավտոմեքենա և մեկուսարանը լքելու հնարավորություն։
Մի քանի ժամ անց Ռուսաստանի դաշնային քրեակատարողական ծառայությունը հաղորդեց՝ հարձակվողները սպանվել են, պատանդները՝ ազատ արձակվել։ Միևնույն տելեգրամ-ալիքները սկսեցին ցուցադրել նրանց արյունոտված դիերը՝ գցված աղբամանի կողքին։
Ռոստովի այս մեկուսարանում, ի թիվս այլ կալանավորների, պահում են ուկարինացի գերիներին, որոնց ավանդապես դատում է Ռուսաստանի Հարավային շրջանային ռազմական դատարանը։
«մարդիկ լուրջ են տրամադրված»
Կառավարամետ Baza տելեգրամ-ալիքի տվյալներով, կալանավորները ջարդել էին պատուհաններին տեղադրած ճաղավանդակները, մտել հերթապահ մաս, պատանդ վերցրել քրեակատարողական ծառայության շրջանային վարչության օպերատիվ կառավարման պետ Ալեքսանդր Բոգմուին և հերթապահ ծառայության կրտսեր տեսուչ Վիկտոր Կոնչակովին։ «Պարզ չէ առհասարակ, թե Բոգմուն այդ մեկուսարանում ինչ գործ ուներ կիրակի առավոտյան», – գրել էր Վլադիմիր Պուտինին կից մարդու իրավունքների խորհրդի անդամ Եվա Մերկաչևան։
Պատանդառու կալանավորները տարբեր խցերում էին պահվում, բայց կապի մեջ էին միմյանց հետ, հարձակումը նախապատրաստվել է մի քանի ամիս և համակարգվել է դրսից՝ գրել էր կառավարական ТАСС գործակալությունը՝ հղվելով իրավապահ մարմիններիում իր աղբյուրին։ «Ազգային մեդիա խմբի» հետ փոխկապակցված Shot տելեգրամ ալիքը անհայտ ծագման մի տեսանյութ էր հրապարակվել, որում, ինչպես հավաստիացնում էր ալիքը, պատկերված է կալանավորների փախուստը։ Shot-ի տվյալներով, նրանք պոկել են ճաղավանդակները և պարանով իջել երրորդ ու չորրորդ հարկերից։ Այդ ընթացքում նրանցից մեկը կոտրել է ձեռքը։ Փախուստից հետո նրանք պախկվել են, ավելի ուշ՝ պատանդ վերցրել Կոնչակովին, իսկ հետո՝ նաև Բոգմուին։
«112» տելեգրամ-ալիքը հրապարակել է պատանդառուների տեսաուղերձը։ Թե ինչպես է տեսանյութը հայտնվել «112»-ի տիրապետության տակ՝ պարզ չէ։ Ավելի ուշ տելեգրամ-ալիքը այն փոխարինել է սքրինշոթներով։ Հետագայում տեսանյութը վերահրապարակվել է «Эхо Дагестана» ալիքում։
Заключенные взяли в заложники сотрудников СИЗО-1 Ростова-на-Дону.
На видео, которое приводит телеграм-канал 112, мужчина с ножом в руках и черной повязкой с арабской вязью на лбу говорит, что «муджахеды Исламского Государства захватили централ»https://t.co/2OfMtDd7CL pic.twitter.com/nv2YxX53C4
— Медиазона (@mediazzzona) June 16, 2024
Առաջին ուղերձում մորուքավոր տղամարդը՝ ձեռքին դանակ, գլխին սև բանդանա, ասում է, որ «Իսլամական պետության մոջահեդները գրավել են Ռոստովի ցենտրալը»։ Տեսանյութում երևում են նաև պատանդները, երկուսն էլ համազգեստով են։ Պատանդներից մեկին տեսանյութի հեղինակները Ալեքսանդր են անվանում։ Խնդրում են Ալեքսանդրին «կիսվել էմոցիաներով և զգացմունքներով»։ Ալեքսանդրն ասում է․ «Մարդիկ լուրջ են տրամադրված»։
Երկրորդ տեսանյութում մյուս մորուքավոր տղամարդը ասում է, որ պատանդառուներին նախապատրաստել է Ալլահը, տեղի ունեցածը պատահականություն չէ, իրենք «կաֆիրներին» նախապայմաններ էին առաջադրել։
Ռուսական լրատվականներում շրջանառվող վարկածներից մեկի համաձայն, մեղադրյալները կարող էին զենքները մեկուսարանի ծառայողներից խլել։ РИА Новости-ն պնդում էր, որ նրանք զինված էին հակահրդեհային կացիներրով և ռետինե մահակներով։
ձեռնաշղթայված դիակներ
Հունիսի 16-ի կեսօրին Ռուսաստանի դաշնային ՔԿԾ-ն հաղորդել է՝ պատանդառուները սպանվել են, պատանդները՝ ազատ արձակվել։ Քրեական գործ է հարուցվել։
Կարճ ժամանակ անց «Ազգային մեդիա խմբի» հետ փոխկապակցված Mash և Shot տելեգրամ-ալիքները տեսանյութեր են հրապարակել, որոնցում, ըստ իրենց, պատկերված են սպանվածների մարմինները։ 112 տելեգրամ-ալիքը նույն տեսանյութը հրապարակել է առանց բլյուրի և գրաքննության։
Կադրում արյունոտ դիեր են՝ ընկած մեկուսարանի բակում, շինարարական աղբի կողքին։ Սպանվածներից երկուսը ձեռնաշղթաներով են։
Ռոստովյան 161.ru-ն և կառավարամետ Baza-ն պնդում են, որ հարձակվողներից երկուսը շտուրմից հետո վիրավոր են եղել, բայց ողջ։ ՔԿԾ-ն զեկուցել է բոլորի ֆիզիկական լիկվիդացման մասին։
Պրոպագանդիստական ալիքներով տարածվող տեսանյութում օպերատորը հատ-հատ ցուցադրում է սպանվածների դեմքերը և կադրի հետևից կրկնում․ «Պառկած են քաքի մեջ՝ աղբի կողքին։ Տենց էլ պետք ա լինի։ Տականքները սատկեցին աղբամանի կողքին»։ Երկրորդ տղամարդը կադրի հետևից ասում է․ «Քաքի մե՛ջ։ Պիդարասներ, պիդարասներ․․․»։
Ընդդիմադիր լրատվամիջոցները հիշեցնում են Կրոկուս Սիթի Հոլում տեղի ունեցած տեռակտին հաջորդած ցուցադրական խոշտանգումների մասին։ Ռուսական մամուլում սա հրապարակային պատժի սովորական գործիք է դարձել։
Դեպքից հետո Ռոստովի №1 մեկուսարանում ստուգումներ են սկսվել, ստուգում են նաև մեկուսարանի աշխատակիցներին։ Նպատակը՝ պարզել, ինչպես են դանակներն ու Իսլամական պետության դրոշները հայտնվել կալանավորների ձեռքերում, ինչպես է կազմակերպվել փախուստն ու հարձակումը։ Shot տելեգրամ-ալիքը պնդում է, որ պատանդառուները հեռախոս ունեին, շփվում էին հեռախոսակապով։
Կալանավորների, ձերբակալվածների խցերում, սպանվածների հարազատների տներում, մեկուսարանի աշխատակիցների մոտ խուզարկություններ են եղել՝ գրել են կառավարական ալիքները։
Ռոստովի №1 մեկուսարանը օրեր առաջ էլ պաշտոնապես գովազդվում էր որպես օրինակելի։ Կալանավորները վաղուց բողոքում են այնտեղի պահման պայմաններից։
ՌԴ քաղաքացիներ էին
Baza-ն հրապարակել է սպանվածների անունները՝ Շամիլ Ակիև, Թամերլան Գիրեև, Ազամատ Ցիցկիև, Դ․ Կամնեև, Մ․ Սայպուդինով, Մալիք Գանդալոև։
Առաջին երեքը 2023-ի դեկտեմբերին մեղավոր են ճանաչվել Կարաչայ-Չերքեզիայի Գերագույն դատարանում ահաբեկչություն նախապատրաստելու համար և դատապարտվել են 18 տարվա ազատազրկման։
Չորրորդի՝ Դ․Կամնեևի, ազգանունը, ամենայն հավանականությամբ, սխալ է գրված։ Медиазона-ն ենթադրում է, որ խոսքը Դանիիլ Կամնևի մասին է, որին դատում էին «Ատ-Թաքֆիր Վալ-Հիջրա» խմբավորմանն անդամակցելու մեղադրանքով։ Բժշկական ակադեմիայի ուսանող Մալիք Գանդալոևը Աստրախանից է, 2023-ի մարտին նրան, նրա եղբորն ու ընկերոջը ձերբակալել են Ինգուշեթիայում՝ ահաբեկչություն կազմակերպելու մեղադրանքով։ Վերջինը՝ Մագոմեդ Սայպուդինովը, մեղավոր է ճանաչվել կողոպուտ, ավազակություն անելու հոդվածներով։
Ինգուշեթիայի ղեկավար Մահմուդ-Ալի Կալիմարովը հաստատել է՝ պատանդառուներից չորսը ինգուշներ էին, որոնք մեղադրվում էին ահաբեկչության համար։
տե՛ս «Ռուսները» մուռ են հանում «սևերից»․ Կրոկուսից հետո
The post «Պիդառասներ, պիդառասներ». նոր լրատվականացված հակաահաբեկչական ակտ ՌԴ-ում first appeared on Epress.am.