"Балапан" кішкентай көрермендеріне қонаққа жол тартпақ
Аталмыш шара аясында «Балапан» арнасы еліміздің барлық аймақтарында тұратын кішкентай көрермендерге қонаққа барады.
Шара барысында «Балапан» арнасының редакциясына елдің барлық аймақтарында тұратын кішкентай көрермендерден сан-алуан хаттар келіп түсті. Кішкентай көрермендер жіберген хаттары, соның ішінде өздерінің суреттерін, шығармалары арқылы тоқтамастан телеарнаға деген жылы лебіздерін білдіруде.
Осы уақытқа дейін арнаның түсірілім тобы Астана, Алматы, Қостанай, Көкшетау және Павлодар қалаларында тұратын кішкентай көрермендеріне қонаққа барып үлгерді. Сол уақытта «Балапан» арнасының шығармашылық тобы көңілдері қуанышқа толы балаларға куә болды. Олар сүйікті арнасымен кездесуді жай ғана күтіп отырмай, арнайы дайындалған тосын сыйлармен арна ұжымын қуантып та үлгерді.
Әрбір кішкентай бүлдіршіндердің барлық елге өзінің би билеу, ән айту, қызықты әңгімелер айту, сурет салу сияқты өнерімен танымал болуға мүмкіндігі туды. Сонымен қоса, көрермендерді өзінің тұрып жатқан қаласымен қысқаша таныстырып та үлгерді.
Осындай шара арқылы әр бала бір сәтке болсын өзі сүйіп қарайтын арнасының жұлдызы ретінде сезіне алуға мүмкіндігі туады.
Еске сала кетейік, аталмыш шараға қатысу үшін 10 ақпанға дейін «Балапан» арнасының редакциясына хат жолдауларыңыз қажет. Сол арқылы телеарнаның ұжымы ең қызықты деген хатты тандап, сіздерге қонаққа жол тартады.
Хаттарыңызды Астана қаласы, Қонаев к-сі, 4, «Қазмедиа» орталығы «Балапан» арнасының редакциясына немесе balapantv@kaztrk.kz электронды поштаға жолдай аласыздар.
Балаларыңыздың сүйікті арнасын қонаққа шақыру мүмкіндігін өткізіп алмаңыздар.
Мәтін: «Қазақстан» РТРК» АҚ баспасөз қызметі