Бавыр пәрәмәче рецепты

Эченә бавыр фаршы салып кыздырылган пәрәмәч рецепты.

Камыр өчен кирәк: 400 мл су, 10 г коры чүпрә, 1 чәй кашыгы тоз, 2 аш кашыгы көнбагыш мае, ярты килограмм тирәсе он.

Эчлек өчен кирәк: 500 г тавык бавыры, 2 баш суган, 200 г пешкән дөге, тәменчә тоз һәм борыч.

Иң элек йомшак камыр ясарга һәм аны яхшылап басарга. Камыр кулга ябышу сәбәпле, аны көнбагыш мае белән майланган савытка салып, кабарсын өчен, берәр сәгатькә җылы урынга куярга.

Эчлек өчен тавык бавырын туралган суган белән майлы табада кыздырырга һәм тәменчә тоз-борыч, аз гына су өстәп, 10-15 минут томалап пешерергә. Пешкән бавырны иттарткычтан чыгарырга яки блендер белән вакларга. Аннары пешкән дөге белән икесен бутарга.

Әзер ачы камырны кисәкләргә бүләргә. Һәр кисәкне кул белән (көнбагыш мае сөртеп) җәяргә һәм уртасына бавырлы-дөгеле эчлек салып, томалап куярга. Шул килеш 15-20 минут өстәлдә тотып кабарткач, пәрәмәчләрне майлы табада ике ягын да кыздырып пешерергә.