Эльмира Кәлимуллинаның улы белән күңелсез хәл килеп чыккан
Татарстанның атказанган артисты Эльмира Кәлимуллина һәм хореограф Евгений Ксенофонтовның уллары кечкенә Мурад белән күңелсез хәл килеп чыккан. Сабый аягын имгәтеп, аларга табибларга мөрәҗәгать итәргә туры килгән.
Кичәге кичебез ДРКБда узды. Травматологлар компаниясендә. Йокларга ятар алдыннан Мурад коридор буйлап чабып китте һәм, егылып, аягын имгәтте.
Аягына баса алмый, авырта, ди. 5 көн көтәргә куштылар, аннан соң үзе үтәчәк, дип тынычландырдылар, – дип язды Эльмира Кәлимуллина социаль челтәрләрдә.
Сабыйның тизрәк тернәкләнүен теләп калабыз.