Түбән Камада шаккатырлык хәлләр: 14 яшьлек кыз үлгән абыйсыннан балага узган
Түбән Камада 14 яшьлек кыз баланы абыйсы көчләгән. Бераздан егет үлгән, ә 14 яшьлек кыз балага узган.
Коточкыч вакыйга ноябрь уртасында булган. «KazanFirst» язуынча, 14 яшьлек кыз мәктәптән өенә кайткан, өйдә аның 20 яшьлек абыйсы булган. Егет исерек хәлдә йоклап яткан була. Укучы кыз да ял итәргә ята һәм йоклап китә. Бераздан ул авыртуга уянып китә, өстендә абыйсы була. Кыз 100 килограмм авырлыктагы абыйсын җиңә алмаган.
Гыйнвар аенда кыз йөклелекне тикшерү өчен тест ясаган, ул уңай нәтиҗә күрсәткән. Шул вакытта аңа барысын да әти-әнисенә сөйләргә туры килә. Җинаять өчен җавап бирүче булмаска мөмкин, чөнки көчләүче абыйсы 2024 елның декабрендә үлгән.
Берничә көн элек әлеге факт буенча җинаять эше кузгатылган.