Бала алып кайтырга вәгъдә итүчеләргә дә гаилә ипотекасы бирергә җыеналар

Вице-премьер Марат Хөснуллин төзүчеләр белән уздырган җыелышта катнашучылар бала табарга вәгъдә иткән парларга да гаилә ипотекасы бирергә тәкъдим иткәннәр. Дәүләт Думасының хезмәт, социаль сәясәт һәм ветераннар эшләре буенча комитеты әгъзасы Светлана Бессараб «Лента.ру»га бу тәкъдимне хупалвын әйткән.

«Әгәр кешеләр бала алып кайтырга җыена икән, аларга ташлама белән ипотека бирергә була. Әгәр алар бу шартны үтәмәсә (ике ел эчендә), ипотека шартларын үзгәртергә мөмкин һәм бу аларны вәгъдәләрен үтәтергә мәҗбүр итәчәк», – дигән ул.

Депутат фикеренчә, бу идея төзелеш өлкәсенә дә ярдәм итәчәк, чөнки югары процентлар булу сәбәпле, ипотека алучылар кимеде.

Шулай итеп, тәкъдим хупланган очракта, баласыз гаиләләр өчен дә 6 процентлы ипотека алу мөмкинлеге булачак. Ике ел эчендә бала тапмасалар – кредит процентлары үзгәрә дигән сүз.