«Төн буе кыйнадылар». Авылдагы танышын суга ыргытучыларны 22 елдан соң тапканнар
Иркутск өлкәсендә 22 ел элек таныш ир-атны кыйнап, суда батырган кешеләрне 2024 елның ноябрендә тотканнар. Бу турыда РЕН ТВ Тикшерү комитетына сылтама белән хәбәр итте.
Братский районының Карахун бистәсендә яшәүче кешене танышлары үтерә. Җинаять эше «Алдан сөйләшеп, башка җинаятьне яшерү өчен үтерү» турындагы маддә буенча тикшерелә.
2002 елның сентябрендә 2 ир-ат таныш ир-ат өенә килә. Алар «мөнәсәбәтләр ачыкларга» тели – хуҗаны төн буена кыйныйлар. Алар, икенче көнне кыйналган ир-ат полициягә барыр, дип шикләнәләр һәм кабат аның өенә киләләр. Ир-атлар кыйналган кешене Братск сусаклагычы янына алып баралар, аңа металл предмет бәйләп куялар һәм суда батыралар, дигәннәр ведомствода.
Ул вакытта җинаятьчеләрне ачыклый алмыйлар. 2003 елда тикшерү туктатылып тора. Аны 2024 елның ноябрендә кабат тикшерә башлыйлар. Өстәмә белешмәләрне тикшереп, җинаятьтә шикләнелүчеләр ачыклана. Аларга гаепләү белдерелгән, диелә хәбәрдә.