19 көн элек югалган 17 яшьлек Диананы эзлиләр
Башкортстанда 19 көн элек югалган 17 яшьлек Диана Хәсәнованы эзлиләр. Бу турыда «Башинформ» хәбәр итә.
Диана Иглин районында хәбәрсез югала. «Поиск детей «Иглино» волонтерлары белешмәсе буенча, үсмер кызның кайда булуын 19 көн беркем белми. Диана 11 гыйнварда өйдән чыгып киткән.
Диананың буе 163-166 см чамасы, күзләре яшел, чандыр гәүдәле. Үзе белән зур булмаган ак сумка тоткан.
Әлеге кыз турында белешмәсе булган кешеләргә шалтырату өчен номерлар: 8 (927) 969-89-19, 8 (917) 383-56-87 яки 112.