Данир Сабиров Илсөя Бәдретдиновага: «Икәү генә ялга барыйк»

Илсөя Бәдретдинованың туган көне булып узды. «44! Килде… Нык карт та түгел… Артык яшь тә түгел… Средняк», – дип шаярта ул социаль челтәрдәге сәхифәсендә.

Шул уңайдан ул кызыклы видео куйган.

Анда күренгәнчә, 43 яшьтә ул торттагы шәмне өрә, барысы да яхшы, ә 44 яшьтә биле авырта. Җырчының бу шаяруын юмор остасы Данир Сабиров «эләктереп алган». Һәм Илсөя апасына тәкъдим белән чыккан.

«Миңа 38 яшь, бил тоже сиздерә. Әйдә, берәр җиргә икәү генә ялга барып төзәтеп кайтыйк. Туган көнең белән, Илсөя Бәдретдинова», – дип, бер очтан сәхнәдәшен котлаган ул.

Бу котлауга җавап итеп җырчы рәхәтләнеп көлгән дә «Данииир» дип кенә суза алган.