СССРның халык артисты 95 яшендә вафат булган

СССРның халык артисты Олег Стриженов вафат булган. 10 августта аңа 96 яшь тулган булыр иде. Үлеме турында хәбәрне «РИА Новости»га аның ярдәмчесе раслаган.

Соңгы көннәрен Олег Стриженов хастаханәдә үткәргән. Хастаханәгә эләгүен планлы рәвештә тикшеренү узу белән аңлаткан булганнар. Артистның ярдәмчесе сүзләренчә, дүшәмбе көнне ул хастаханәдән чыгарга тиеш булган.

Олег Стриженов «Звезда пленительного счастья», «Белые ночи», «Овод», «Мой любимый клоун», «Пиковая дама», «Юность Петра», «Его звали Роберт» фильмнарында – барысы 30дан артык фильмда төшкән.