Нигә кеше үзенең яздырылган тавышын танымый?
Гадәти шартларда кешенең колагына аның үз тавышы ике юл белән барып җитә. Башка кешеләрнең тавышы һәм, гомумән, барлык тышкы авазлар кебек – һава аша. Икенче юл – тән тукымалары, бигрәк тә сөякләр аша.
Бу ике тирәлектә тавышның тизлеге төрле булганга, бер үк тавыш төрле тембр ала. Кеше «һава» һәм «сөяк» тембрларын бергә ишетә. Яздырылган тавышны тыңлаганда «һава» тембры гына ишетелә.
Чыганак: «Вокруг света»