Алып баручы Айрат Ильясов: «Гөлназны үз башыма үзем чакырдым»
Күптән түгел генә Гөлназ Асаева Уфада узган «Татар җыры» фестивале алып баручыларына, үзен сәхнәгә «атказанган» икәнлеген әйтмичә чакырганга, үпкә белдергән иде
- Гөлназ Асаеваның «Татар җыры»ның алып баручысына ачуы чыккан: «Банкетларда уңышлар!»
«ТМТВ» телеканалындагы «10 сорау» тапшыруына кунакка килгәч, Айрат Ильясов бу ситуациягә ачыклык керткән.
«Гөлназ бит инде безгә чит кеше түгел… иде... моңарчы. Минәйтәм, кая, икенче тапкыр чакырыйм әле дип, Гөлназны үз башыма үзем чакырдым. «Заслуженный» икәнне әйтеп булмыймы әллә?» – дип, миңа карый-карый чыккач, аптырап калдым
Аннары ул миңа «смс»лар язды. Мин аңа язып җибәрдем. «Мин синең фанатың түгел, мин сиңа нинди исемнәр бирелгәнне, нәрсәләр эшләгәнеңне каян белим?» – дидем. Әйтәсегез килә икән, килегез дә әйтегез. Ләкин мондый конфликтлар чыгарып... Ярар, үзе беләдер», – дип төгәлләгән Айрат сүзен