Картлар йорты янында самолет төшкән
Америкада картлар йорты янында парковкага самолет төшкән. Бу хакта "База" Телеграм-каналы яза.
Якынча мәгълүматлар буенча, Пенсильваниядә кечкенә самолет торак комплекс һәм картлар йорты янында һәлакәткә юлыккан. Зыян күрүчеләр бар.
Һәлакәт җирле вакыт буенча 15:00 сәгатьләр тирәсендә булган. Фаҗигадән соң янгын чыккан.
Якынча мәгълүматлар буенча, самолет Ланкастер аэропортыннан 15:15 сәгатьтә очып киткән, тик шундук диярлек идарәне югалта һәм җиргә төшә. Бортта биш кеше булган. Әлегә фаҗига сәбәбе билгеле түгел.
Соңрак интернетта чыккан язмага караганда, очучы диспетчерларга самолетның ишеге ачык булу сәбәпле, кире аэропортка кайтырга кирәклеген әйткән.