Татарстанда апрельдә һәм майда һава торышы нинди булачак?
Татарстанда айлык температураның уңай аномалиясе март ахырында, шулай ук апрельдә һәм майда да сакланачак. Бу хакта «Татар-информ»га «Метео» һава торышы фаразлары үзәге җитәкчесе Александр Шувалов сөйләде.
«Татарстанда айлык температураның уңай аномалиясе 2024 елның июненнән бирле күзәтелә инде. Климатик вазгыять салкынга, тискәре аномалиягә кереп китәрлек итеп үзгәрә алмый. Бу – уңай температура өстенлек итү тенденциясе, якынча озак вакытлы фаразлар буенча, март аенда ачык күзәтелә һәм Казанда 5 градуска җитә», – диде ул.
Синоптик мәгълүматлары буенча, март ахыры һәм апрель башы бик җылы булачак. Апрельдә һәм майда да уңай температура аномалиясе саклана.
«Әмма бу күрсәткеч улкадәр сизелерлек булмаячак – +5-6 градус ук түгел, ә климатик нормадан +1,5-3 градуска югары була», – диде Шувалов.