Кайсысы беренче: рамазанның тотылмый калган көннәреме, әллә шәүвәл уразасымы?
Еш кына шундый сорау белән очрашырга туры килә, дип яза «Хозур дин турында» телеграм-каналы.
Хатын-кызларның билгеле бер сәбәпләр белән тотылмый калган рамазан уразасы көннәре кала. Шәүвәл ае башлангач, кайсы уразаны беренче тотарга: 6 көн шәүвәлме, әллә рамазанның калган көннәренме, дип баш ваталар.
Бу очракта, рамазанның тотылмый калган көннәрен тотып бетерү дөрес булачак. Чөнки: рамазан уразасы – фарыз, ә шәүвәл уразасы – нәфел. Ләкин! Әгәр сезнең рамазан уразасы көннәре күп булып, аларны тотканчы, шәүвәл уразасы көннәре узып китә, дип борчылсагыз, башта шәүвәл уразасын тота аласыз, диелә хәбәрдә.