Тукай музеенда яңа экскурсияне шагыйрьнең туганнары алып барачак
4 мартта Тукай музеенда «Йолдызлы экскурсия» проектының яңа сезоны ачыла. Бу юлы экскурсияне Габдулла Тукайның туганнары алып барачак, дип хәбәр итәр Тукай музее матбугат хезмәте.
Алар – Казан шәһәренең 64 нче мәктәп директоры Айнур Нуриев һәм журналист Риман Гыйлемханов.
Йолдызлы экскурсия» проекты кысаларында музей кунакларын күренекле замандашларыбыз каршы ала: мәдәният һәм сәнгать әһелләре, дәүләт һәм җәмәгать эшлеклеләре, галимнәр, спортчылар, журналистлар һәм Татарстанның башка танылган шәхесләре музей буйлап авторлык экскурсияләре үткәрәчәк, диелә бу хәбәрдә.