Одбојкарите на Русија го освоија Европското првенство
Машката одбојкарска репрезентација на Русија ѝ нанесе пораз на селекцијата на Германија и го освои златниот медал на Европското првенство што се одржуваше во Полска.
Сочи по Олимпијадата: спортски туристички рај
Финалето се одигра во неделата во Краков. Натпреварот заврши со резултат 3:2 во полза на руските одбојкари (25:19, 20:25, 25:22, 17:25, 15:13). Во составот на репрезентацијата на Русија 19 поени реализираше Максим Михајлов, Дмитриј Волков беше ефикасен со 14 поени. Во селекцијата на Германија се истакна Георг Грозер со 27 поени.
Бронзата на турнирот ја освои репрезентацијата на Србија, која исто така во пет сета ги победи Белгијците.
Руските одбојкари досега имаат победено само еднаш на Европското првенство – во 2013 година. Репрезентацијата на СССР го има освоено Европското првенство 12 пати, пишува РИА „Новости“.