«Шумбрат, Мордовия!» фестивалесь учи ваныцятнень гала-концертс!(эрзя)
Прядовсть Республикань раськень шкинемань «Шумбрат, Мордовия!» XXVIII-це фестивалень-пелькстамонь невтемань концерттнэ. Кавто ковтнень перть эрьва оймсема читнестэ ваныцятне вансть Мордовиянь муниципальной буетнень невтемань концерттнэнь мельга. 28-це фестивалень невтемань концерттнэнь прядызе Саран ошонь округось. Теньсэ фестивалесь а прядови. Ваныцятнень учи цётамонь «Шумбрат, Мордовия!» гала-концертэсь, кона юты ацамковонь 21-це чистэ.