Покш тевть (эрзя)

Мордовиянь Прявтось вастневсь Виктор Ташкин Ковылкинань электромеханической заводонь прявтонть марто. Кортызь предприятиянь тевдеемань цётамотнень ды виень икелепелев кастоманть. Ковылкинань прявт предприятиятнень эйстэ вейкенть сюпав историязо, кона моли 1962-це иестэ саезь. Ней сон сови “Ростех” госкорпорациянть лувс.
Ютазь иень цётамотнень коряс ламоксть кассть производствань вийтне – 64 процентс, колмо пельксэс – важодемань кис пандоматнень куншкавидьгань невтевксэсь – те 66 тёжадо целковойде ламо. Предприятиясонть важодить тёжадо ламо ломанть. Тень пингстэ покш содамочи марто важодицятнень асатомась – заводонтень прявт стакачи. Сонзэ топавтомга, предприятиясь вети важодицятнень тонавтоманть, истяжо целевой тонавтома республикань вузтнэнь марто. Покш мель явови социальной тевтненень, ютксост важодемань ды оймсемань условиятнень теемантень.