Ўзбеккинодан янгилик

Бизнинг Ўзбеккиномиз тарихида улкан ўзгаришлар содир бўлмоқда. Айниқса анъаналар билан йўғрилган санъат асарларига келсак бу борада ҳолмай-толмай меҳнат қилаётган киноижодкорларимиз талайгина. Бугун айнан миллий киномизни янада ривожлантириш хусусида “Ўзбеккино” Миллий агентлиги тизимида амалга оширилаётган ислоҳотлар ҳақида Миллий матбуот марказида киноижодкорлар ҳамда оммавий ахборот воситалари билан биргаликда матбуот анжумани бўлиб ўтди. Муҳтарам Президентимиз Шавкат Миромонович Мирзиёев томонидан 2016 йил 5 сентябрда имзоланган 05-01/-144-сонли Вазирлар Маҳкамаси баёнига асосан “Ўзбеккино” Миллий агентлиги қошидаги “Ўзбекфилъм” ва илмий –оммабоп ва хужжатли филъмлар” киностудиялари бино ва иншооатларини реконструкция қилиш ва замонавий кино техникаси билан жиҳозлаш ишлари бошланди. Ҳозирги кунда “Ўзбеккино” Миллий агентлиги тизимида Киноарбоблар ижодий уюшмаси, “Ўзбекфилъм” АЖ киностудияси,”Қорақалпоқфилъм” киностудияси, “Ўзбекистон Илмий оммабоп ва ҳужжатли филъмлар киностудияси”,”5-студия-Ёшлар ижодий тажриба уюшмаси”, Республика Кинофонди давлат корхонаси , Ўзбекистон кино санъати музейи, А. Навоий номидаги киносаройи, Республика киночилар уйи, “Қорақалпоқкино” агентлиги ҳамда вилоятлар ва Тошкент шаҳар ҳудудий бўлимлари фаолият кўрсатмоқда. Тадбирдан кўзланган асосий мақсад, Реконструкция ишларини амалга ошириш, шу билан бирга киностудия худудида фойдаланишга яроқсиз бўлган 14 та объект бузиш учун белгиланди. Ташриф буюрган киноижодкорлар тарихий филъмларни яратиш учун астойдил бел боғлаганликлари ҳақида анжуман иштирокчиларига ҳисобот бериб ўтди. Лобар Мирзо