აშშ-ის ფინანსთა სამინისტრო კიბერშეტევაში ადანაშაულებს ჩინეთის სპონსორობით მოქმედ ჰაკერებს
შეტყობინება ჰაკერების ჯგუფის, Advanced Persistent Threat-ის(APT) მიერ განხორციელებული კიბერშეტევის შესახებ ფინანსთა სამინისტრომ ჯერ კიდევ 8 დეკემბერს მიიღო.
ჰაკერებმა ხაზინის კიბერუსაფრთხოების უზრუნველყოფის კომპანია BeyondTrust-ის სისტემაში შეღწევით შეძლეს ფინანსთა სამინისტროს სამუშაო კომპიუტერებსა და არასაიდუმლო დოკუმენტებზე წვდომის მოპოვება.
აშშ-ის ფინანსთა სამინისტრომ ინციდენტის შესახებ კონგრესს აცნობა და თანამშრომლობა დაიწყო კიბერუსაფრთხოების და ინფრასტრუქტურის უსაფრთხოების სააგენტოსა და ფედერალურ საგამოძიებო ბიუროსთან. ფინანსთა სამინისტრო ნებისმიერ კიბერშეტევას, რომელიც ჯგუფ APT-ს უკავშირდება, სერიოზულ ინციდენტად განიხილავს.