უკრაინის არმია ადასტურებს ვორონეჟის რეგიონში ნავთობის საცავზე თავდასხმას
უკრაინის გენერალურმა შტაბმა ასევე განაცხადა, რომ დრონებმა დაარტყეს სმოლენსკის საავიაციო ქარხანას და უკრაინის დონეცკის რაიონის ქალაქ ვოლნოვახაში მდებარე რუსეთის არმიის სარდლობის სამეთაურო პუნქტს. უკრაინის შეიარაღებული ძალების ინფორმაციით, დაზიანებულია თვითმფრინავების ქარხნის საწარმოო ინფრასტრუქტურა.
სამშაბათს, რუსეთის ხელისუფლებამ განაცხადა, რომ უკრაინული დრონები თავს დაესხნენ რუსეთის რამდენიმე რეგიონს, მათ შორის სმოლენსკს და ვორონეჟის რეგიონში მდებარე ნავთობბაზას.
უკრაინაში სრულმასშტაბიანი შეჭრის დაწყებიდან რუსეთის არმია რეგულარულად უტევს უკრაინის ენერგეტიკისა და გაზის ინფრასტრუქტურის ობიექტებს ბალისტიკური რაკეტებითა და უპილოტო თვითმფრინავებით. ბოლო დროს უკრაინა რეგულარულად რეაგირებს ამ თავდასხმებზე და საპასუხოდ, დასავლური და საკუთარი რაკეტებითა და დრონებით ესხმის თავს რუსეთის ინფრასტრუქტურულ (ძირითადად ნავთობისა და გაზის) ობიექტებს.