ჰამასის შეიარაღებულმა ფრთამ გამოაცხადა სამხედრო ხელმძღვანელის სიკვდილის შესახებ
ჰამასის (აშშ-სა და ევროკავშირში გამოცხადებულია ტერორისტულ დაჯგუფებად) შეიარაღებულმა ფრთამ 30 იანვარს განაცხადა თავისი სამხედრო ლიდერის, მოჰამად დეიფისა და სამხედრო მეთაურის მოადგილის, მარვან ისას სიკვდილის შესახებ.
ჰამასის მიერ გავრცელებული ცნობით, ისინი ბრძოლაში დაიღუპნენ.
ისრაელი დეიფს 2023 წლის 7 ოქტომბერს ისრაელზე ჰამასის თავდასხმის ერთ-ერთ ორგანიზატორად მიიჩნევს. 2024 წლის ნოემბერში სისხლის სამართლის საერთაშორისო სასამართლომ მისი დაპატიმრების ორდერი გასცა, ისრაელის პრემიერ-მინისტრ ბენიამინ ნეთანიაჰუსა და თავდაცვის ყოფილ მინისტრ იოავ გალანტთან ერთად.
სამივე პირი სასამართლომ ომის და კაცობრიობის წინააღმდეგ დანაშაულის ჩადენაში ეჭვმიტანილებად გამოაცხადა.
ისრაელის არმია 1 აგვისტოს იტყობინებოდა, რომ ღაზის სექტორის ქალაქ ხან-იუნისში მოკლეს ჰამასის სამხედრო ფრთის ხელმძღვანელი მოჰამედ დეიფი. ისრაელის თანახმად, დეიფი 13 ივლისს განხორციელებული ავიადარტყმის შედეგად მოკლეს.