150 000 აბონენტისთვის გაზის მიწოდება აღდგენილია, დარჩენილია ერთეული მისამართები - "თბილისი ენერჯი"
კომპანიის ცნობით, ამ დროისთვის მიმდინარეობს იმ ერთეულ მისამართებზე არსებული დგარების ჩართვა, სადაც "უსაფრთხოების ნორმების გათვალისწინებით ან ტექნიკური ნორმების დაცვით" გაზი არ ჩაირთო.
თბილისის უბნების ნაწილს გაზი 9 თებერვალის შემდეგ არ მიეწოდებოდა. კომპანიის განცხადებით, 500-მილიმეტრიანი მილსადენი, რომელიც თბილისში, ვაკე-საბურთალოს რაიონს ამარაგებს, დაზიანდა. მათივე ცნობით, მიზეზი, სავარაუდოდ, „მესამე პირის“ მიერ გამოწვეული დაზიანება იყო.
რადიო თავისუფლებამ ვერ გაარკვია კომპანიაში, ვინ იგულისხმებოდა „მესამე პირში“.
10 თებერვალს, დილით, კომპანიამ გაავრცელა განცხადება, რომლითაც გაირკვა, რომ მილსადენის დაზიანებული ნაწილი აღადგინეს და ქსელში გაზი გაუშვეს.