Новости за 06.07.2024

Татарстанда кече һәм урта бизнес субъектларының инвестицион проектларын алып бару һәм инвестицион кредитлау максатларында документлар әзерләү, килешүләрне структуралаштыру буенча сервис эшли башлавы турында Татарстан Республикасы Икътисад министрлыгында хәбәр иттеләр.

Бүген, 6 июльдә, Татарстанда урнашкан көчле эсселек сакланачак, әмма республикага якынлашучы атмосфера фронтлары һава шартларының үзгәрүенә китерәчәк. Бу хакта ТР Гидрометеорология үзәге хәбәр итә.

Иртәгә Татарстан башкаласының Кремль яр буенда «Зур гаилә яллары» инициативасы кысаларында «Гаилә ал җилкәннәре» бәйрәме узачак. Бу хакта чараны оештыручылар хәбәр итә.

Бүген Марий Элда, Медведев ипподромында, XXIV Федераль Сабантуйның икенче көне узачак. «Марийская правда» хәбәр иткәнчә, бүген бәйрәм программасы бай булачак.

«Мин күкне сайлыйм» традицион авиация бәйрәме быел Татарстан башкаласында «Казан» гаилә үзәге янында 3 августта узачак. Бу хакта Татарстан Республикасы Сәнәгать һәм сәүдә министрлыгының матбугат хезмәте хәбәр итә.

5 июльгә Татарстанда файдалануга торак тапшыру программасы 77 процентка үтәлгән. Планлаштырылган 3 миллион 150 мең квадрат метрның 2 миллион 420 мең квадрат метры файдалануга тапшырылган. Бу хакта ТР Төзелеш, архитектура һәм торак-коммуналь хуҗалык министры Марат Айзатуллин төбәкнең Хөкүмәт Йортында узган киңәшмәдә сөйләде.

Совет галиме һәм җәмәгать эшлеклесе Илдус Мостюков вафат. Аңа 96 яшь иде.

Татарстанда инвестицияле проектлар тормышка ашырырга теләгән кече һәм урта эшмәкәрлек субъектларына кредит алу өчен документлар әзерләргә һәм килешүләр төзергә ярдәм итә торган махсус хезмәт эшли башлады, дип хәбәр итә ТР Икътисад министрлыгы.

Апас районы үзәгендә тиздән тагын бер балалар бакчасы сафка басачак. «Кояшкай» һәм «Салават күпере» балалар бакчасы белән беррәттән яңа бакча да балаларны кабул итәр дип көтелә. Бу хакта «Апастово-информ» сайтында Ләйлә Шиһабиева хәбәр итә.

Әтнә районы Ленин исеме­н­дәге күмәк хуҗалык җи­тәкчесе Илгиз Хәйруллин мах­сус хәрби опе­рациядә кат­нашучы егетләргә «буханка» машинасы бирде. Бу хакта «Әтнә таңы» сайтында Гөлнар Мөхәмәдҗанова хәбәр итә.

Әлки районы Базарлы Матак авылының «Өмет» мәчете янәшәсендә Чишмә ачылу тантанасы узды. Бу хакта «Әлки хәбәрләре» сайтында Лилия Шафикова яза.

6 июльдә Мәскәүнең «Коломенское» музей-тыюлыгында милли бәйрәм – Сабан туе узачак. Тамаша сәгать 11:00 башлана. Бәйрәм оештыруда гадәттәгечә Чаллы артистлары катнаша. Тулы бер делегация белән алар Мәскәүгә килде. Бу хакта «Шәһри Чаллы» сайтында Гөлия Ибәтуллина яза.

Лениногорскида Тимәш авылындагы данлыклы тауда легендар 3нче скважина янында III бард җыры фестиваль-конкурсы узды. Бу хакта «Заман сулышы» сайтында Диләрә Гыйльметдинова хәбәр итә.