Новости за 09.07.2024

Иртәгә, 10 июльдә, Татарстан мәдәният министры Ирада Әюпова республиканың Төбәк белән идарә итү үзәге уздырачак туры эфирда катнаша.

Республика йогышлы авырулар хастаханәсеннән ботулизмнан дәваланган өч пациентны чыгарганнар. Бу хакта хастаханәнең матбугат хезмәтендә хәбәр иттеләр.

Зәй районыннан килешү белән хезмәт итүче 58 яшьлек Дамир район башлыгының махсус операциядә катнашучылар белән очрашуына килде.

Татарстан мөселманнарының Диния нәзарәте «Хәләл кешбэк» дип аталган яңа ислам финанс продуктын рөхсәт ителгән дип таныды. Проектка нигез салучылар советына бу карарны Татарстан мөфтие Камил хәзрәт Сәмигуллин тапшырды, дип яза Диния нәзарәтенең матбугат хезмәте.

2023 елның октябрендә Яңа Чишмә районыннан Закир килешү буенча махсус операциягә китә. Улы Марат бу хакта белгәч, әтисе артыннан китә, декабрьдә инде алар икесе дә алгы сафта була.

Түбән Новгородта «Бердәм Россия» партиясенең иҗтимагый ярдәм штабында узган очрашуда Түбән Новгород Татар мәдәнияте үзәге бинасы проекты һәм аны төзекләндерү эшләре турында фикер алыштылар. Бу хакта өлкә Татар автономиясенең «ВКонтакте»дагы төркемендә хәбәр итәләр.

Казанда һәм Екатеринбургта Һиндстан консуллыклары ачылачак. Бу хакта Мәскәүдә һинд җәмәгатьчелеге белән очрашуда илнең Премьер-министры Нарендра Моди әйтте.

Рекреация урыннарында соңгы мәртәбә сулыкларны тикшерү күрсәткәнчә, Татарстандагы биш пляж гигиена таләпләренә туры килми. Бу хакта Кулланучы хокукларын яклау һәм кеше иминлеге өлкәсендә күзәтчелек федераль хезмәтенең Татарстан буенча идарәсенең матбугат хезмәтендә хәбәр иттеләр.

Екатеринбургта Татарстанның Свердловск өлкәсендәге даими вәкиллеге урнашкан сәүдәгәр Агафуровлар йортын төзекләндерү 125 миллионга төшкән. Бу хакта «Татар-информ»га Татарстан Республикасының Свердловск өлкәсендәге даими вәкиле Хәйдәр Гыйльфанов сөйләде.

Россиядә 730 меңнән артык гаиләгә ана капиталының тотылмаган өлешен 10 меңнән азрак күләмдә алу мөмкинлеге биреләчәк. Ул бер тапкыр бирелә торган түләү рәвешендә була. Бу хакта хезмәт министры Антон Котяковка сылтама белән ТАСС агентлыгы хәбәр итә.

Татарстан Премьер-министры урынбасары – республиканың сәнәгать һәм сәүдә министры Олег Коробченкога Татарстанның Свердловск өлкәсендәге Даими вәкиллегенең реставрация ясалган бинасын күрсәттеләр. Бу хакта «Татар-информ» журналисты хәбәр итә.

Татарстанның Актаныш районында фура һәм җиңел машина бәрелешкәч, 8 яшьлек кыз һәм йөртүче ир-ат һәлак булган. Бу хакта республика прокуратурасына сылтама белән «Татар-информ» хәбәр итә.

Бүген, 9 июльдә, Татарстанда һава торышы төрлечә, кайбер җирләрдә тотрыксыз була. Бу хакта республиканың Гидрометеорология һәм әйләнә-тирә мохитне күзәтү идарәсе хәбәр итә.

Төньяк Осетия-Алания Республикасында эшли торган Тукай исемендәге Татар җәмгыяте юбилейга әзерләнә. Бу турыда Бөтендөнья татар конгрессы хәбәр итте.

Төмәннең «Яңарыш» газетасында Тубыл шәһәре себер татар милли-мәдәни автономиясе рәисе Зәйтүнә Тычинскихның «Гореф-гадәтләребезне саклаган милли бәйрәмнәр» дигән язмасы чыкты.

Башкортстанның Туймазы районы Каран-Бишенде авылында «Галия» мәчете ачылды. Бу турыда Башкортстан татарлары конгрессы «ВКонтакте» челтәрендәге сәхифәсендә хәбәр итте.

Удмуртиянең «Яңарыш» газетасында Эльвира Хуҗинаның «Иң зур терәгем – гаилә» дигән язмасы чыкты.

Әлмәт шәһәрендә гаилә тормышы юбилярларын хөрмәтләүгә багышланган тантаналы чара узды. Бу хакта «Әлмәт таңнары» газетасы яза.

Азнакай районының Сәпәй авылында халкыбызның көнкүреш йолалары, мәдәнияте, уеннары белән таныштыру, халык иҗатына кызыксыну уяту, телебезгә мәхәббәт уяту максаты белән «Бәбкә саклау йоласы» фольклор бәйрәме узды. Бу хакта «Маяк» газетасы яза.

Әтнә үзәк китапханәсендә яшүсмер кызлар өчен «Үзенчәлекле чәч каптырмасы» ясау буенча осталык дәресе үтте. Дәресне китапханәнең актив укучысы, кул эшләре остасы Эльвира Тумакаева уздырды. Бу хакта «Әтнә таңы» газетасы яза.

Җәйнең тәүге аенда Чирмешән районында алты бала: өч малай һәм өч кыз туган. Әлеге сабыйларның икесе - гаиләдә беренче бала. Бу хакта «Безнең Чирмешән» газетасы яза.

Лаешның тәрбиягә бала алган гаиләләр клубы Актаныштан кунаклар кабул итте. Балалар өчен спартакиада уздырдылар, ә өлкәннәр шәһәрнең истәлекле урыннары белән танышты. Бу хакта «Кама ягы» газетасы яза.