Новости за 11.07.2024

Казанның «Шәрык клубы» комплексы ишегалдында «Чаткылар» музыка фестивале башланды.

Бу шимбә, 13 июльдә, Республика клиник наркология диспансерында ата-аналар өчен психолог белән ачык очрашу узачак. Бу хакта «Татар-информ»га хастаханәнең матбугат хезмәтендә хәбәр иттеләр.

Алтынчы чакырылыш Татарстан Дәүләт Советы депутатлары үзенең эшчәнлеге белән хакимият һәм халыкның бердәмлеген күрсәтте. Бу хакта Татарстан Республикасы Рәисе Рөстәм Миңнеханов парламентның 55 утырышында белдерде.

Бөтендөнья татар конгрессы Милли Шура рәисенең беренче урынбасары – Бөтендөнья татар конгрессы Башкарма комитеты җитәкчесе Данис Шакиров Татарстан Кулланучылар берлеге идарәсе рәисе Рашат Шаймардановны «Татар милләтенә күрсәткән олы хезмәтләре өчен» «Бөтендөнья татар конгрессы» Халыкара Берлеге медале белән бүләкләде.

Яңа депутатлар корпусы нәтиҗәле, көчле, абруйлы булыр һәм сайлаучылар аны хөрмәт итәр, дип көтелә. Бу хакта ТР Дәүләт Советы Рәисе Фәрит Мөхәммәтшин «Татар-информ» белән әңгәмә вакытында җиденче чакырылыш парламент депутатларын сайлау турында сорауга җавап биргәндә белдерде.

Менделеевскида район башлыгы Радмир Беляев рәислегендә хәрби хезмәткәрләрнең гаиләләре һәм хәзерге вакытта махсус операциядә хезмәт иткән һәм кыска вакытлы ялда булган хәрбиләрнең кураторлары белән киңәшмә узды.

13 июльдә Чүпрәле районы Яңа Ишле авылында «Вәлиулла Хәсәнов укулары» фәнни-гамәли конференциясе узачак. Әлеге чара Яңа Ишле авылы һәм Тау ягы (Татарстанның көньяк-көнбатыш өлеше) тарихын өйрәнүгә багышланган һәм ул татар зыялыларын, дин һәм җәмәгать эшлеклеләрен, туган як тарихын өйрәнүчеләрне җыячак. Конференцияне Чүпрәле районы хакимияте ярдәме белән ТР мөселманнары Диния нәзарәтенең Чүпрәле мөхтәсибәте, Бөтендөнья татар конгрессы, шулай ук Вәлиулла Хәсәновның нәсел дәвамчылары оештыра.

Татарстан Дәүләт Советы депутатлары алтынчы чакырылыш дәвамында 76 меңнән артык мөрәҗәгатьне караган. Гражданнарны кабул итү вакытында парламентарийларга 25 меңнән артык кеше мөрәҗәгать иткән. Бу хакта ТР Дәүләт Советы Рәисе Фәрит Мөхәммәтшин «Татар-информ» белән әңгәмә вакытында хәбәр итте.

Җәмәгать судьяларын Татарстан Дәүләт советының 55 утырышында билгеләделәр. Аларның кандидатураларын ТР Югары суды рәисе вазифаларын башкаручы Эдуард Каминский тәкъдим итте. Утырыш эшендә шулай ук Татарстан Республикасы Рәисе Рөстәм Миңнеханов катнашты, дип яза «Татар-информ» хәбәрчесе Надежда Гордеева.

Татарстан парламенты эшләгән чорда депутатлар 556 закон кабул иткән. Дәүләт Думасына 21 закон чыгару инициативасы юнәлтелгән. Бу хакта ТР Дәүләт Советы Рәисе Фәрит Мөхәммәтшин «Татар-информ» белән әңгәмә вакытында хәбәр итте.

Кама Тамагы янында җиңел моторлы самолет һәлакәтендә исән калган бердәнбер кеше Республика клиник хастаханәсендә уңышлы операция кичергән. Бу хакта «Татар-информ»га ТР сәламәтлек саклау министрлыгының матбугат хезмәтендә сөйләделәр, дип яза «Татар-информ» хәбәрчесе Эвелина Киселёва.

«Миллиард.Татар» интернет-порталы татарлар тарихы турында лекцияләр циклын дәвам итә. Бу юлы Шиһабетдин Мәрҗани исемендәге Тарих институтының әйдәп баручы фәнни хезмәткәре Искәндәр Измайлов XIII-XIV гасырлардагы Алтын Урда шәһәрләре турында сөйләде, дип яза «Татар-информ» хәбәрчесе Җәмил Сәлимгәрәев.

Алтынчы чакырылыш Татарстан парламентының биш еллык эшчәнлеге чоры җиңел булмаган. Бу хакта «Татар-информ» белән әңгәмә вакытында ТР Дәүләт Советы Рәисе Фәрит Мөхәммәтшин сөйләде.

«Татмедиа» Республика матбугат һәм массакүләм коммуникацияләр агентлыгы җитәкчесе Айдар Сәлимгәрәев агентлыкның генераль директоры Шамил Садыйков һәм аның җитәкчелегендәге коллективны «Лениногорск хәбәрләре», «Чаллы хәбәрләре», «Ютазы таңы», «Зеленодольская правда» һәм «Нократ» басмаларының уңышы Бөтенроссия дәрәҗәдә танылуы белән котлады. Искәртик, санап үтелгән массакүләм мәгълүмат чаралары («Татмедиа» филиаллары) «Россиянең иң яхшы 10 газетасы 2024» конкурсында җиңүче булды.

Бүген Казанда Татарстан Дәүләт Советының илле бишенче, йомгаклау утырышы узачак. Республика парламенты җитәкчесе Фәрит Мөхәммәтшин депутатларның биш еллык эшенә нәтиҗә ясаячак.

2024 елның беренче яртыеллыгы йомгаклары ясалды. Халыкның тормыш сыйфатын бәяләве буенча Россия шәһәрләре рейтингында Чаллы 18 урынны, ә Казан 27 урынны яулады. Мониторингны РФ Хөкүмәте каршындагы Финанс университеты оештырган.

Чүпрәле районыннан якынча 200 ир-ат РФ Кораллы көчләрендә контракт буенча хезмәт итә. Алар барысы да үз теләге белән хезмәт итәргә киткән, дип яза «Татар-информ» хәбәрчесе Эльза Кузнецова.

Азәрбайҗанның «Яшьлек» татар яшьләре үзәге җитәкчесе Дияз Әхмәтҗанов фикеренчә, Азәрбайҗанда татар булып калу кыен түгел. Бу хакта ул КФУның Татар халык хоры гастрольләре вакытында «Татар-информ» хәбәрчесенә биргән әңгәмәсендә сөйләде.

Бүген, 11 июльдә, Татарстанда алмашынучан болытлы һава, кыска вакытлы яңгырлар һәм яшен көтелә. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.

Бөтендөнья татар конгрессы бинасында Башкарма комитет җитәкчесе Данис Шакиров Түбән Новгород өлкәсе татарлары белән очрашкан. Алар өлкәнең «Ак калфак» оешмасы җитәкчесе Зилә Әхмәдуллина җитәкчелегендә «Казан-Болгар маршруты» буенча тарихи урыннар белән танышырга килгән. Бу хакта Бөтендөнья татар конгрессы матбугат хезмәте хәбәр итә.

Россиянең һәм Татарстанның халык артисты, Нәҗип Җиһанов исемендәге Казан дәүләт консерваториясенең вокал сәнгате кафедрасы мөдире, профессор Зилә Сөнгатуллина «Татар-информ» хәбәрчесенә биргән әңгәмәсендә опера җырчылары өчен чикләүләр турында аңлатып үтте.

Чирмешән район үзәгендәге «Юбилейный» боз сараенда эчке ремонт эшләре ахырына якынлаша. Озакламый аның тирә-юнен төзекләндерүгә керешәчәкләр. Бу хакта «Безнең Чирмешән» газетасы яза.

Аксубай районыннан мал табибы Әнвәр Шәрифуллин Казанда «Агроволга» Халыкара агросәнәгать күргәзмәсе кысаларында узган мөгезле эре терлекләрнең тоякларын кисү буенча турнирда уңышлы катнашты. Бу хакта «Аксубай» газетасы яза.

Лениногорск районы Юлтимер авылында яшь велосипедчылар — балалар катнашында бәйге үткәрелде. Бу хакта «Заман сулышы» газетасы яза.

Балтачта «Балтач моңнары» фестивале дәвам итә. Кичә балтачлылар алдында Нөнәгәр авыл җирлеге үзешчәннәре имтихан тотты, дип яза «Хезмәт» газетасы.