Новости за 23.07.2024

Россия белән Иран арасында киң колачлы стратегик партнерлык турындагы килешүне әзерләү төгәлләнде, документ тиздән имзаланачак. Бу хакта ТАССка РФ Тышкы эшләр министрлыгы башлыгы урынбасары Андрей Руденко сөйләгән.

Массакүләм ял итү урыннарында су сыйфатына даими контроль уздыру дәвам итә. Белгечләр микробиологик, санитар-химик, паразитологик һәм вирусологик күрсәткечләр буенча комплекслы тикшеренүләр үткәрә.

Соңгы елларда чып-чын татар гаиләләрендә тәрбияләнеп үсүче балаларның туган телебезне белмәве, ата-ана биргән сорауга русчалап җавап кайтаруы гадәти күренешкә әверелеп бара. Җырчы Иркә әлеге мәсьәләгә карата үз фикерен белдерде.

Татарстанның 18 шәһәреннән булган «Созвездие-Йолдызлык» фестиваленең 210 лауреаты һәм җиңүчесе Алуштадагы «Сатера» балалар өчен сәламәтләндерү лагеренә җәйге иҗат сменасына юл тотты. Бу хакта ТР Яшьләр эшләре министрлыгының матбугат хезмәте хәбәр итә.

Дәүләт Думасында күп балалы гаиләләргә түләүле трассалардан бушлай йөрергә рөхсәт итүне сорадылар. РФ хөкүмәте башлыгы Михаил Мишустинга әлеге мөрәҗәгатьне Дәүләт Думасының гаиләне яклау комитеты башлыгы Нина Останина җибәргән.

Россия Президенты Владимир Путин Татарстан Республикасында яңа судьяларны билгеләде.

Тиз йөрешле түләүле Алексеевск-Әлмәт трассасын төзү өчен Татарстанның Әлмәт, Яңа Чишмә һәм Чирмешән районнарында урнашкан гомуми мәйданы 14 422 квадрат метрны тәшкил иткән 22 җир кишәрлеге алыначак. Алар В.Д. Шашин исемендәге «Татнефть» гавәми акционерлык җәмгыятенең милке булып тора. Татарстан Республикасы Министрлар Кабинетының карарын республиканың Премьер-министры Алексей Песошин имзалады.

Лисичанскида Татарстан Республикасының югары дәрәҗәле вәкилләре арасында мөһим очрашу узды. Республиканың премьер-министры урынбасары вазифасын башкаручы Фәнил Әһлиуллин эш сәфәре белән килгән Татарстан төзелеш министрының беренче урынбасары Алексей Фроловны кабул итте.

Татарстанның энергетика компаниясе — «ТГК-16» акционерлык җәмгыяте генераль директоры Эдуард Галиев II дәрәҗә «Ватан алдындагы казанышлары өчен» ордены медале белән бүләкләнде. Указны РФ Президенты Владимир Путин имзалады, документ хокукый актларны рәсми чыгару порталында урнаштырылды.

17 августта Алабуга шәһәрендә уктан ату буенча «Туган батыр» III Бөтенроссия турниры узачак. Бу хакта ТР Диния нәзарәте матбугат хезмәте хәбәр итә.

Татарстан делегациясе махсус хәрби операция зонасына чираттагы шефлык ярдәме партиясен китерде. Аны Татарстан Республикасы премьер-министры урынбасары — Татарстан Республикасының Россия Федерациясендәге Тулы вәкаләтле вәкиле Равил Әхмәтшин, Чаллы мэры Наил Мәһдиев һәм республиканың Тәтеш районы башлыгы Рәмис Сафиуллов алып барды, дип хәбәр итә Татарстан Республикасының Россия Федерациясендәге Тулы вәкаләтле вәкиллеге матбугат хезмәте.

Биш татарстанлыга «Татарстан Республикасының атказанган авыл хуҗалыгы механизаторы» дигән мактаулы исем бирелде. Тиешле указга ТР Рәисе Рөстәм Миңнеханов кул куйды.

Татарстан Рәисе Рөстәм Миңнеханов «Яшәү өчен инфраструктура» юнәлеше буенча РФ Дәүләт Советы комиссиясе рәисе итеп билгеләнде. Дәүләт Советының 21 комиссиясен төзү турындагы указга Россия Президенты Владимир Путин кул куйды, документ хокукый актларны рәсми бастырып чыгару порталында урнаштырылган.

Бүген, 23 июльдә, Татарстанда циклон тәэсирендә салкынча һәм дымлы һава торышы саклана. Бу хакта ТР Гидрометеорология үзәге хәбәр итә.

Әлмәт шәһәрендә узган яшь геологлар олимпиадасында Азнакайдан да яшь геологлар катнашты. Бу хакта «Азнакай» сайты яза.

Минзәлә гармунчылары «Яшәсен гармун, тальян моңнары» төбәкара фестиваленнән җиңү белән кайтты. Бу хакта «Минзәлә» газетасы яза.

Түбән Камада яшәүче яшь гаилә ЗАГС тантанасына татар халкының милли киемнәрен киеп килгән. Бу хакта «Татар LIFE» сайты яза.

Быел беренче мәртәбә Алабуга районы башлыгы Рөстәм Нуриев тарафыннан авылларның мәдәни үсешенә ярдәм итү өчен грантлар бирелә башлады. Бу хакта «Алабуга нуры» газетасы яза.