Новости за 24.07.2024

Бердәм дәүләт һәм муниципаль хезмәтләр порталында теркәлгән татарстанлылар суд хәбәрләре һәм аларга беркетелгән документларны, суд актларының күчермәләрен электрон рәвештә алырга мөмкин.

Дәүләт Думасында балаларның төп документы – туу турында таныклыкны баланың фотографиясе белән тулыландырырга тәкъдим иттеләр. Фотоның өч, җиде һәм ун яшьтә алыштырылуы күздә тотыла. Инициативаны вице-премьер Татьяна Голиковага мөрәҗәгатендә «Бердәм Россия»дән Солтан Хәмзаев белдергән. Бу хакта «Труд» газетасы яза.

Казанда «Батыр» контракт буенча хәрби хезмәткә рәсмиләштерү үзәгенең рәсми сайты эшли башлады. Бу потенциаль контрактчылар өчен мәгълүмат алу һәм гаризалар бирү процессын шактый гадиләштерде.

27 июльдә Теләче районының Баландыш авылында Блогерлар сабан туе була. Сабантуй авылда уза торган «Түгәрәк уен» бәйрәме белән үрелеп барачак. Бу хакта «Татар-информ» агентлыгында узган матбугат очрашуында сөйләделәр.

Пәнҗешәмбе, 25 июльдә, көндез һәм кич Татарстанда һава шартларының бозылуы фаразлана. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.

23 июльдә Мәскәү Җәмигъ мәчете имамы, «Россия офицерлары» гомумроссия оешмасының Мәскәү төбәк бүлеге президиумы әгъзасы Марат Аршабаев РФ мөселманнары Диния нәзарәте рәисе, мөфти шәех Равил Гайнетдиннең хәер-фатихасы белән «РФ Саклану министрлыгының Ватан сакчылары пантеоны» Федераль хәрби мемориалында армия генералы Мәхмүт Гәрәев каберенә чәчәкләр салу тантанасында катнашты. Чара күренекле хәрби җитәкченең туган көненә багышланды. Бу хакта РФ мөселманнары Диния нәзарәтенең матбугат хезмәте хәбәр итә. Читать дальше...

Татарстанда махсус операциядә катнашучы хәрбиләргә актив ярдәм күрсәтү дәвам итә. Бу атнада махсус хәрби операция зонасына һәм Белгород өлкәсенә Татарстан Республикасының югары даирәләре тарафыннан оештырылган чираттагы гуманитар миссия булды.

2024 ел ахырында Алабуга дәүләт музей-тыюлыгында «Мәдәният» илкүләм проекты кысаларында яңа музей-күргәзмә объекты - Балалар музей үзәге ачыла, ул бер үк вакытта 5-16 яшьлек 500 баланы кабул итә алачак. Бу хакта ТР Мәдәният министрлыгының матбугат хезмәте хәбәр итә.

Кичә Экспертлар советы рәисе урынбасары, аятулла Алиреза Арафи җитәкчелегендәге Иран Ислам Республикасы делегациясе гыйбадәт кылу һәм мөфти шәех Равил Гайнетдин белән очрашу өчен Мәскәү Җәмигъ мәчетенә килде. Аятулланы Иранның Мәскәүдәге гадәттән тыш һәм тулы вәкаләтле илчесе Казем Джалали әфәнде озатып йөрде. Бу хакта РФ мөселманнары Диния нәзарәтенең матбугат хезмәте хәбәр итә.

Татарстан Республикасы Эчке эшләр министрлыгы мәгълүматларыннан күренгәнчә, 2024 елның беренче алты аенда төбәктә фатир басулар санының шактый кимүе күзәтелә. ТР буенча Эчке эшләр министрлыгының Җинаятьчеләрне эзләү идарәсе башлыгы Рифат Катипов матбугат конференциясендә шундый мәгълүмат китерде, дип яза «Татар-информ» хәбәрчесе Кирилл Гумиров.

Бүген иртән Казанның «Жиңү Проспекты» метро станциясендә өлкән яшьтәге ир-ат метро юлына егылып төшкөн. Метрополитен хезмәткәрләренең уяулыгы һәм профессиональлеге аркасында фаҗигане булдырмый калганнар, дип хәбәр итә Метроэлектротранс матбугат хезмәте.

Россия Хезмәт министрлыгында киләсе елның гыйнварыннан хезмәт өчен түләүнең минималь күләмен 22 440 сумга кадәр арттырырга тәкъдим иттеләр. Инициатива норматив хокукый актлар проектларының федераль порталында урнаштырылган.

«Апуш» татар балалар театр студиясе өстәмә кастинг игълан итә. Кастинг 27 августта 12.00 – 21.00 сәгатьтә «Сәйдәш» мәдәният үзәгендә үтәчәк . Аның нәтиҗәләре буенча «Сәйдәш», «Чулпан» мәдәният үзәкләрендә һәм Ленин исемендәге мәдәният йортында шөгыльләнүче төркемнәргә өстәмә 15әр бала сайланып алыначак. Бу хакта Казан мэриясе матбугат хезмәте хәбәр итә.

Арча районыннан Раят Насыйбуллин махсус хәрби операция зонасына беренчеләрдән булып китә һәм хәзерге вакытта граната ыргытучы булып хезмәт итә. Ире туган илне саклаганда, хатыны Гөлнур Насыйбуллина фатир сатып алган. Бу хакта «Татар-информ» хәбәрчесе Эльза Кузнецова яза.

27 июльдә 12.00 сәгатьтә Төмән шәһәренең Заречный паркында Сабантуй була. Татар халык милли бәйрәмендә татар утарлары, милли ашлар, халык һөнәрләре остаханәсе, көрәш һәм башка спорт ярышлары тәкъдим ителәчәк. Бу хакта Төмән өлкәсенең милләтләр эшләре буенча комитеты матбугат хезмәте хәбәр итә.

24 июльдә Татарстан Милли музее филиалы – Каюм Насыйри музеенда совет һәм Россия рәссамы-каллиграфы Нәҗип Нәккашның эшләре урын алган «Ул караңгылыкта ут кабызды!» күргәзмәсе ачыла. Бу хакта ТР Мәдәният министрлыгының матбугат хезмәте хәбәр итә.

Татарстан башкаласы экскурсия туризмы өчен яшәү бәясе иң югары булган Россия шәһәрләре арасына кергән. Шәһәрдә урнашуның уртача бәясе бер төнгә 5,9 мең сум тәшкил итә – бу Мәскәү һәм Санкт-Петербург белән бер дәрәҗәдә, дип хәбәр итә ТАСС агентлыгы Туристик агрегаторлар ассоциациясенә сылтама белән.

БРИКС саммиты алдыннан Татарстан башкаласында Казан дәүләт медицина университеты анатомия театрының фасады яңартыла. Эшләр инде 85 процентка башкарылган, дип хәбәр итә ТР Мәдәни мирас объектларын саклау комитетының матбугат хезмәте.

24 августта Балык Бистәсендәге Үзәк мәйданда II республика «Бистә шәле» хатын-кыз һөнәрчелеге фестивале узачак. Бу хакта Татарстан Мәдәният министрлыгы матбугат хезмәте хәбәр итә.

Әлмәттә мөмкинлекләре чикле кешеләр өчен Сабантуй узган. Әлмәт муниципаль районы башлыгы исеменнән бәйрәм белән барлык җыелганнарны Әлмәт муниципаль районы Шурасы Аппараты җитәкчесе Роза Афлятунова сәламләде һәм котлады, дип хәбәр итә Халыкка социаль хезмәт күрсәтү оешмасының матбугат хезмәте.

Бүген, 24 июльдә, Татарстанда һава торышы тотрыклы түгел, температура бераз күтәреләчәк. Бу хакта Гидрометеорология һәм әйләнә-тирә мохитне күзәтү үзәге хәбәр итә.

Татарстан Республикасы Премьер-министр урынбасары, Бөтендөнья татар конгрессының Милли Шура рәисе Васил Шәйхразыев эшлекле сәфәр белән Омск өлкәсенә килде, дип хәбәр итә Бөтендөнья татар конгрессы матбугат хезмәте.

Түбән Камада автовокзал бинасын реконструкциялиләр. Хәзер аны ремонтлау өчен акча эзләнә. Бу хакта 13 һәм 14 нче микрорайоннарда яшәүчеләр белән очрашуда шәһәр мэры Рамил Муллин хәбәр итте. Бу хакта «Татар LIFE» сайты яза.

Әлмәт районара күппрофильле хастаханәсендә беренче тапкыр буккроссинг иҗтимагый китап киштәсе оештырылды. Бу хакта «Әлмәт таңнары» газетасы яза.

Яшел Үзән районы Олы Яке авылында «Сөлгеле капка» фестивале узды. бу хакта «Яшел Үзән» газетасы яза.