Новости за 16.09.2024

Быелның 22 сентябрендә узачак Казан ярыммарафоны төрле яшьтәге 5 меңнән артык катнашучыны җыяр дип көтелә. Шәһәр башкарма комитетының физкультура һәм спорт комитеты рәисе Линар Гарипов Казан мэриясендә узган эшлекле дүшәмбе киңәшмәсендә шулай дип белдерде.

Казан кооператив институтының Дәрдемәнд исемендәге Татар мәдәнияте үзәге җитәкчесе Флюра Абдуллина җитәкчелегендәге делегация Россия кооперация университеты ректоры, Әлки районы «Якташлык» җәмгыяте рәисе Алсу Нәбиеваның ярдәме белән Укытучылар көне алдыннан Самара өлкәсе Камышлы районы Татар Байтуганы авылында ачылган «Әлифба» авторы Сәләй Вагыйзовның музей-йортында булды.

Пенза өлкәсенең Усть-Уза авылында «Ай, былбылым!» Төбәкара татар җыры һәм музыкасы фестивале узды. Бу хакта Бөтендөнья татар конгрессының матбугат хезмәте хәбәр итә.

Башкортстанның Туймазы районында татар калфагын тегү буенча осталык дәресе узды. Бу хакта Бөтендөнья татар конгрессы матбугат хезмәте хәбәр итә.

Татарстанда 14 сентябрьдә традицион авыл хуҗалыгы ярминкәләре башланды. Ярминкәнең беренче көнендә фермерлар 56,9 миллион сумлык продукция саткан. Бу хакта ТР Авыл хуҗалыгы һәм азык-төлек министрлыгының матбугат хезмәте хәбәр итә.

Мәскәүнең Берләшкән гуманитар нәшриятында Татарстан Язучылар берлегенең Әдәби тәрҗемә үзәге әзерләгән яңа китап басылды. «Хәзерге заман татар балалар әдәбияты антологиясе» рус телендә чыкты, дип хәбәр итә ТР Язучылар берелеге.

Россия Федерациясе мөселманнары Диния нәзарәте һәм Мәскәү ислам институтының 30 еллыгына, мөфти шәех Равил Гайнетдиннең 40 ел дингә хезмәт итүенә, Мәскәү Җәмигъ мәчетенең 120 еллыгына багышланган масштаблы чаралар кысаларында «Дар» мәдәни үзәгендә РФ мөселманнары Диния нәзарәтенең Голәмәләр шурасы әгъзалары өчен ислам финанслары буенча квалификация күтәрү курслары узачак. Бу хакта Россия Мөфтиләр шурасының матбугат хезмәте хәбәр итә.

Министрлар Кабинеты ана капиталының калган өлешен 10 мең сум күләмендәге бер тапкыр бирелә торган түләүне алуга юнәлдерү кагыйдәләрен раслады. Акчаны Дәүләт хезмәтләре порталына, күп функцияле үзәккә, почтага мөрәҗәгать итеп алып булачак, дип белдерде РФ Премьер-министры Михаил Мишустин. Бу хакта РИА Новости агентлыгы хәбәр итә.

Татарстан Республикасы Фәннәр академиясенең Шиһабетдин Мәрҗани исемендәге Тарих институты галимнәре Әстерхан өлкәсендә урта гасырларга караган Саксин шәһәренең калдыкларын күреп кайтты.

Боливия Президенты Луис Арсе Катакора Россия коллегасы Владимир Путиннан Казанда узачак БРИКС саммитында катнашырга чакыруны кабул итте. Боливия Күпмилләтле Дәүләтенең Мәскәүдәге илчесе Мария Луиса Рамос Урсагасте моны раслады. Бу хакта РИА Новости агентлыгы хәбәр итә.

Чиләбедә яшьтәшләренә һәм укытучыга һөҗүм иткән үсмер мәктәпкә пычак, чүкеч һәм пистолет алып килгән. Бу хакта РИА Новости агентлыгы хәбәр итә.

Лисичанскига Татарстаннан чираттагы гуманитар ярдәм килде.

Фото: © «Татар-информ»

Алексеевск муниципаль районы башлыгы Сергей Демидов алып барган гуманитар йөк составына 600 литр мотор мае, автомат тапшырулар тартмасы өчен 200 литр май, 600 литр антифриз, 16 аккумулятор, автобуслар һәм махсус техника өчен 66 автомобиль шины, шулай ук май суыртып агызу өчен насослар кергән.

«Махсус транспорт өчен шиннар, аккумуляторлар һәм ягулык-майлау материалларын максатчан китерү... Читать дальше...

Чаллы активистлары махсус операция зонасындагы хәрбиләргә гуманитар ярдәм илтте. Бу юлы алар солдатларга Иске Чаллы бистәсендә яшәүче Эдуард Чемкарев сатып алган генератор, азык-төлек, кием-салым, гигиена чаралары, маскировка челтәрләре, блиндаж шәмнәре, матраслар, дарулар тапшырды.

Чиләбенең 68нче мәктәбендә бер укучы балаларга һәм педагогларга һөҗүм иткән. Зыян күрүчеләрне хастаханәгә озатканнар, аларга медицина ярдәме күрсәтелә. Чиләбе өлкәсе губернаторы Алексей Текслер Telegram-каналында шул хакта хәбәр итте.

Татарстан Республикасы 2023 ел нәтиҗәләре буенча, 2022 ел белән чагыштырганда тугыз позициягә күтәрелеп, куллану чыгымнарында торак-коммуналь хезмәтләргә чыгымнар өлеше буенча Россия төбәкләре арасында 12нче урынны яулады. РИА Рейтинг үткәргән тикшеренү нәтиҗәләре әнә шундый.

Мисыр һәм Россия берничә ике яклы килешү төзергә әзерләнә. Яклар әлеге документларны Казанда узачак БРИКС саммитында имзаларга мөмкин. Мисыр Гарәп Республикасының Мәскәүдәге илчесе Назих Нагари БРИКС Медиасаммиты кысаларында шулай дип белдерде. Бу хакта ТАСС агентлыгы хәбәр итә.

Руслан Бәдретдинов Түбән Кама районы буенча Эчке эшләр идарәсе башлыгы итеп билгеләнде. Муниципаль берәмлек башлыгы Рамил Муллин эшлекле дүшәмбе киңәшмәсендә яңа җитәкчене тәкъдим итте.

Мьянма Хөкүмәте Казанда узачак БРИКС саммитында катнашырга тели, тик әлегә чакыру алмаганнар. Мьянма Республика Берлеге мәгълүматлаштыру министры Маун Маун Он БРИКС Медиасаммиты кысаларында шулай дип белдерде. Бу хакта ТАСС агентлыгы хәбәр итә.

1997 елда Чаллы шәһәрендә үз эшчәнлеген башлап җибәргән «Күңел» радиосы дулкыннары киңәя. Хәзер бу радионы Актаныш һәм Мөслимдә дә ишетеп булачак. «Мөслим-информ» җитәкчесе Римма Афзалова радионың киңүюенә карата үз фикерен белдерде.

Агымдагы атна уртасында Татарстанда кырау төшүе көтелә. Бу ТР Гидрометеорология үзәге фаразыннан күренә.

15 сентябрьдә Шәһре Болгарның Ак мәчетендә Мөхәммәд Пәйгамбәрнең (с.г.в.) туган көненә багышланган традицион Мәүлид ән-Нәби үтте. Татарстан Республикасы мөселманнары Диния нәзарәте Ак мәчеттә узучы тантанага дин кардәшләрне, остазлар һәм шәкертләр, имам-мөхтәсибләр, җәмәгать һәм дәүләт эшлеклеләрен җыйды. Бу хакта ТР Диния нәзарәте матбугат хезмәте хәбәр итә.

Камал театрында Чаллы татар дәүләт драма театрының Казан гастрольләре Илгиз Зәйниев пьесасы буенча куелган «Бөке» спектакле белән башланды.

Бүген, 16 сентябрьдә, Татарстанда аномаль җылы һава торышы саклана. Бу хакта ТР Гидрометеорология үзәге хәбәр итә.

Яңа Чишмә районы башлыгы Вячеслав Козлов махсус хәрби операциядә катнашучының яңа туган кызына коляска бүләк иткән. Ева - хәрбинең гаиләсендә бишенче бала. Бу хакта «Яңа Чишмә хәбәрләре» сайтында язалар.

Кукмараның «Сугышчан кардәшлек» оешмасы базасында махсус хәрби операция зонасында булган егетләргә җибәрү өчен гуманитар ярдәм җыю эшләре барды. 36нчы колонна шушы көннәрдә юлга кузгалачак. Бу хакта «Хезмәт даны» сайтында Алсу Сәләхетдинова яза.