Дума хезмәткә түләүнең минималь күләмен үзгәртүгә бәйле проектны кабул итәргә киңәш итте
Дәүләт Думасының социаль сәясәт комитеты Россия парламентының түбән палатасына киләсе елда илдә хезмәткә түләүнең минималь күләмен 22 440 сум дәрәҗәсендә билгеләү турындагы закон проектын кабул итәргә тәкъдим итте. Бу хакта РИА Новости агентлыгы яза.
Закон проектын Дәүләт Думасына РФ Министрлар Кабинеты тапшырган иде. Аңлатма язуында билгеләп үтелгәнчә, документ ил Президенты тарафыннан куелган хезмәткә түләүнең минималь күләмен алгарышлы темпларда арттыру буенча бурычларны гамәлгә ашыру максатыннан әзерләнгән.
Элегрәк хезмәткә түләүнең минималь күләмен ике тапкыр арттыруны «Кадрлар» илкүләм проектына кертәчәкләре хакында хәбәр ителгән иде.