Яшел Үзән районыннан Лисичанскига гуманитар йөк илттеләр

Татарстан Республикасы Яшел Үзән районы башкарма комитеты җитәкчесе Зөлфәт Хәбибуллин Лисичанск шәһәренә ТР вице-премьеры Фәнил Әһлиуллин кушу буенча җыелган гуманитар йөк китерде. Йөк составында шәһәрләрне торгызу өчен кирәкле агач материаллары (шул исәптән ОСБ), шулай ук шешәләргә салынган эчәргә яраклы су бар.

Зөлфәт Хәбибуллин билгеләп үткәнчә, Лисичанскида вәзгыять акрынлап яхшыра — шәһәр торгызыла, ә биредә яшәүче кешеләрдә янәдән киләчәккә өмет уяна. «Күренеп тора, шәһәр яңадан аякка баса, бу якка тормыш кайта», – диде ул.

Аның сүзләренә караганда, инде яхшы якка шактый үзгәрешләр сизелә: инженерлык челтәрләре торгызыла, суүткәргечләр төзелә, юллар ремонтлана, зыян тигән биналар тәртипкә китерелә.

«Дөресен генә әйткәндә, күптән түгел булган хәрби хәрәкәтләрне исәпкә алып, биредә начаррак вәзгыять күрермен, дип көткән идем. Әмма монда килгәч инфраструктураны торгызуда прогресс һәм шәһәр тормышка кайтуны күреп шаккаттым», — дип өстәде Хәбибуллин.