Алтайда этномәдәни оешмалар идеяләре ярминкәсендә «Дулкын» татар үзәге катнашты

Алтай крае халыклары йортында «Этномәдәни коммерцияле булмаган оешмалар идеяләре ярминкәсе» – «ЭтноПросвет.Алтай» проектының йомгаклау чарасы узды. Ул «Алтай краенда дәүләт милли сәясәтен гамәлгә ашыру» төбәк программасы кысаларында ел дәвамында социаль инновацияләр институты тарафыннан Алтай крае Хөкүмәте ярдәме белән уздырылды. Бу хакта Бөтендөнья татар конгрессы матбугат хезмәте хәбәр итә.

Йомгаклау чарасын губернатор администрациясе департаменты дәүләт милли сәясәтен гамәлгә ашыру бүлеге һәм Алтай крае хөкүмәтенең дәүләт хакимияте федераль органнары белән элемтә бүлеге консультанты Татьяна Лисенкова ачып җибәрде.

«Этнопросвет.Алтай» проектында актив катнашкан «Дулкын» татар мәдәнияте үзәге шулай ук үз эшен тәкъдим итте. «Матур» һөнәр сөючеләр клубы эше турында Елена Вәлиуллина сөйләде. Ул креатив идеяләрнең аз санлы активистлар көче белән гамәлгә ашырылуы турында әйтте. Чыгыш төрле киемнәр һәм костюм элементларын күрсәтү белән үрелеп барды, диелә хәбәрдә.