Татарстанда -20 градуска кадәр суыта
Чәршәмбе, 25 декабрь көнне, Татарстанда аязучан болытлы һава көтелә. Бу хакта ТР Гидрометеоүзәгендә хәбәр иттеләр.
Синоптиклар мәгълүматларына караганда, иртән һәм көндез бераз кар явуы, төнлә һәм иртән томан булуы ихтимал.
Төнлә термометр баганалары -15 тән -10 градуска кадәр, ә аязганда -20 градуска кадәр төшәргә мөмкин. Көндез һава температурасы -15 -10 градус күрсәтәчәк, республиканың төньяк өлешендә -13 градуска кадәр.
Юлларда бозлавык барлыкка килергә мөмкин.