Салехард шәһәренең «Ватан» Татар мәдәнияте үзәге хатын-кызлары хәрбиләргә өй токмачы ясый
Салехард шәһәре хәрбиләре өй токмачы ашаячак. «Ватан» Татар мәдәнияте үзәге активистлары һәр кичне җыелып, өй токмачы ясыйлар. Шулай итеп, алар 10 көндә 250 йомыркадан токмач әзерләгән. Бу якынча 30 кг була. Бөтендөнья татар конгрессы шул хакта хәбәр итә.
«Токмачны йомыркадан гына ясыйбыз, бераз тоз өстибез. Бисмилла әйтеп камыр баса башлыйбыз. Кайвакыт, эш тизрәк барсын өчен, камырны өйдә әзерлибез. Әзер, киптерелгән токмачны шунда ук тартмаларга салабыз», - дип сөйләде үзәк активисты Сәхитә Габидуллина.
Токмачларның беренче партиясен махсус хәрби операция зонасына Раштуадан соң җибәрергә җыеналар. диелә хәбәрдә.