Яңа елдан Казан мәктәпләрендә кайнар аш бәясе 4-10 сумга артачак
2025 елда Татарстан башкаласы мәктәпләрендә кайнар аш бәясе 4-10 сумга артачак. Казан мэриясенең матбугат хезмәте Telegram-каналында шул хакта хәбәр ителә.
Аерым алганда, ирекле сайланган меню – 89 сумга, комплекс – 63 сумга, иртәнге аш яки кичке әбәт – 43 сумга, аш 20 сумга төшәчәк.
«Бәяләр халкы миллионнан арткан шәһәрләр арасында иң түбәннәрдән берсе булып кала. Индексация 1,5 елдан артык үткәрелмәгән», - дип искәрттеләр шәһәр хакимиятендә.
Шул ук вакытта укучыларның яртысыннан артыгы, 92 меңе, шәһәр бюджеты хисабына бушлай туклануын дәвам итәчәк. Аларга башлангыч сыйныф укучылары һәм ташламалы категорияләрдән 5-11 сыйныф укучыларының 18 проценты керә, дип искәрттеләр мэриядә.