Казан аэропортындагы чикләүләрне гамәлдән чыгардылар
Казан аэропортында һава судноларын кабул итү һәм җибәрүгә кертелгән чикләүләр 10:05 сәгатьтән гамәлдән чыгарылды. Бу хакта Росавиация хәбәр итә.
Чикләүләр Мәскәү вакыты белән иртәнге 6:00 сәгать тирәсендә гамәлгә кертелде. Ведомство матбугат хезмәтендә аңлатуларынча, вакытлыча чикләүләр очышларның иминлеген тәэмин итү өчен кертелгән.