Бөгелмәдә ир-ат һәм бала өстенә түбәдән кар төшкән мизгел видеога эләккән
Бөгелмәдә подъезд янында бала күтәреп басып торган ир-ат өстенә түбәдән кар төшкән. Әлеге видеоны биредәге матбугат чаралары таратты.
Бу хәл Гафиатуллин урамында 41 нче йорт янында булган.
Видеода карның ир-атның башына ук төшкәне күренә, бәхеткә, ул кар кисәге балага тимәсен өчен вакытында читкә китеп өлгерә.
«Хөрмәтле шәһәр халкы! Йорт түбәсеннән асылынып торган кар яки боз сөңгеләре күрсәгез, ашыгыч рәвештә үзегезнең идарәче компаниягә хәбәр итегез. Хезмәт күрсәтүче оешма түбәне чистарту эшләрен башкармаса, бу хакта Бөгелмә Торак инспекциясенә (85594)6 05 45 телефоны аша хәбәр итегез», – дип мөрәҗәгать иткән Бөгелмә районы башлыгы Ленар Закиров.