Разведчиклар махсус операция зонасыннан Лаеш волонтерларын котлады
9 нчы бригаданың разведка батальоны махсус операция зонасыннан Лаеш районының «Помощь СВОим» хәйрия фондын Яңа ел белән котлады. Волонтерларга Дмитрий Дементьев мөрәҗәгать итте.
«Кадерле якташларым. Тагын бер ел узды һәм без сезнең белән иңгә-иң куеп җиңүгә барабыз. Сез үргән маскировка челтәрләре, сезнең ашлар, сезнең җылы йөрәкләр безне җылыта һәм җиңәргә булыша. Командование, шәхси состав исеменнән сезгә бик зур рәхмәт белдерәм. Сезгә сәламәтлек, бәхет, тыныч күк йөзе телибез. Без җиңәчәкбез», – дигән ул.
«Татар-информ»га «Помощь СВОим» хәйрия фондында сөйләүләренчә, бүген Лаеш районында чираттагы гуманитар ярдәм җыю бара. Фонд эше Яңа ел бәйрәмнәрендә дә туктатып тормый.
Моңа кадәр Дәүләт Советына еллык Юлламасында Татарстан Рәисе Рөстәм Миңнеханов волонтерларга махсус операциягә ярдәм өчен рәхмәт әйтте. «Кешеләр моны ихлас һәм чын йөрәктән, үз тирәләренә шундый ук битараф булмаган кешеләрне берләштереп, фикердәшләренең тулы командасын туплап эшли», – диде республика җитәкчесе.
- 1 гыйнвардан Татарстанда Россия Оборона министрлыгы белән контракт төзүчеләр Татарстанда Россия Хәрби көчләренә хезмәт итүгә контракт төзегәндә 2,2 млн сум ала. Акча арту республикада түләүләрнең артуы белән бәйле.
- РФ Кораллы көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында яки 117 телефоны буенча белергә була. Шулай ук Контракт буенча хәрби хезмәткә сайлап алу пунктына (1нче разряд) мөрәҗәгать итәргә мөмкин. Адресы: Казан, Аэропорт урамы, 1/40; телефоны: (843) 221-44-52. Моннан тыш, 8 800 222 59 00 номеры буенча мөрәҗәгать итәргә була.
Фото һәм видеоны «Помощь СВОим» хәйрия фонды тәкъдим итте.