Калифорниянең көньягындагы янгыннардан килгән зыян 150 миллиард долларга җитәргә мөмкин
Калифорниянең көньягындагы урман янгыннарыннан килгән икътисади зыян 135-150 миллиард долларга җитәргә мөмкин. Бу хакта ТАСС агентлыгы AccuWeather консалтинг фирмасы вәкилле Билл Уэйделлга сылтама белән хәбәр итә.
Уэйделл билгеләп үткәнчә, AccuWeather Калифорния штатының көньягындагы янгыннардан килгән зыянның баштагы бәяләмәсенә төзәтмә керткән һәм аның диапазонын 135-150 миллиард долларга җиткергән. Элегрәк компания 52-57 миллиард доллар күләмендәге югалтулар хакында хәбәр иткән иде.
Лос-Анджелес округы шерифы Роберт Луна янгыннарның нәтиҗәсен атом бомбасы шартлау нәтиҗәләре белән чагыштырды. Аның белдерүен CNN телеканалы китерә.
Луна шулай ук һәлак булучылар саны артмас дигән ышаныч белдерде, әмма фаҗиганең масштаблары бик зур булганга «яхшы яңалыклар көтмәвен» әйтте.