Кайбыч хастаханәсендә табиб Шәдилә Баһавиеваның 100 еллыгына мемориаль такта ачылды
Кайбыч хастаханәсендә ТАССРның атказанган табибы Шәдилә Баһавиеваның 100 еллыгына мемориаль такта ачылды. Бу хакта «Кайбыч таңнары» яза.
Кайбычта 40 елга якын балалар табибы булып эшләгән Шәдилә Баһавиеваның якты истәлегенә багышланган бу чарада аның Яшел Үзән шәһәрендә яшәүче кызы Наилә Ибраһимова, Казаннан улы Искәндәр Баһавиев, туганнары кайткан иде.
«Алар безгә табиб булып эшләгән әниләре Шәдилә, балаларга белем һәм тәрбия биргән әтиләре Салих турында иркенләп сөйләде. Бертуганнары Таһирның Америкада яшәве, аның хатыны танылган композитор Мәсгүдә Шәмсетдинова булуы турында да белдек», – диелгән хәбәрдә.