Суд «Татфондбанк»ның экс-башлыгын сәламәтлеге буенча колониядән азат итүдән баш тартты
Казанның Вахитов районы суды «Татфондбанк»ның элекке башлыгы Роберт Мусинны сәламәтлек торышы буенча колониядән азат итүдән баш тартты, чөнки 25 ноябрьдәге хөкем карары үз көченә кермәгән. Бу хакта судның матбугат хезмәтендә хәбәр иттеләр.
«Татар-информ» алдан хәбәр иткәнчә, «Татфондбанк» идарәсенең элекке рәисе, хезмәт вәкаләтләрен арттырып куллану өчен хөкем ителгән Роберт Мусин үзен сәламәтлек торышы буенча колониядә азат итүләрен сорады.
2024 елның ноябрендә суд аны 12,5 елга колониягә хөкем итте һәм өч ел идарәче вазифалар биләүне тыйды. Соңгы сүзендә «Татфондбанк»ның элекке башлыгы үзен инде гаепле дип табылган җинаятьләр өчен җаваплылыкка тарталар дип әйтте.